पुणे: स्वता आयएएस या पदावर असून सध्या पंतप्रधान कार्यालय येथे सेक्राेटरी या पदावर काम करीत असल्याचे सांगत, विविध कार्यक्रमांना हजेरी लावणाऱ्या तोतया आयएएस अधिकाऱ्याला गुन्हे शाखेच्या युनिट 1 ने अटक केली आहे. याबाबत गुन्हे शाखेने याचा अधिक तपास केला असता हा तोतया आयएएस अधिकारी हा फक्त प्रसिध्दीसाठी विविध कार्यक्रमांना हजेरी लावायचा. एवढेच नव्हे तर या तोतया अधिकाऱ्याच्या विरोधात धुळे येथे एक गुन्हा देखील दाखल आहे. या प्रकरणी वासुदेव निवृत्ती तायडे वय 54 वर्ष रा प्लाॅट नं.336, रानवारा राे हाऊस तेळेगाव, दाभाडे, पुणे. असे अटक करण्यात आलेल्या या तोतया आयएएस अधिकाऱ्याचे नाव आहे.
आयएएस पदाबाबत संशय: याबाबत अधिक माहिती अशी की, पुण्यातील औंध येथील बाॅर्डर लेस वर्ल्ड फाऊन्डेशन या संस्थेच्या वतीने जम्मु काश्मीर येथे मदतीसाठी पाठवीण्याकरीता ॲम्बुलन्स लोकार्पण साेहळा आयाेजित करण्यात आला हाेता. यावेळी प्रमुख पाहुणा म्हणून हा तोतया आयएएस अधिकारी स्वता आयएएस या पदावर असून सध्या पंतप्रधान कार्यालय येथे सेक्राेटरी या पदावर काम करीत असल्याचे सांगत होता. यावेळी या कार्यक्रमाला संस्थेचे विरेन शहा, सुहास कदम, पी के गुप्ता व इतर ट्रस्टी व सदस्य देखील हजर हाेते. या वेळी त्यांचेकडे संस्थेचे पदाधिकारी यांनी अधिक विचारणा केली. त्यावेळी आयएएस पदाबाबत त्यांना संशय वाटला आहे.
तोतया आयएएस अधिकारी म्हणून वावरणाऱ्या वासुदेव निवृत्ती तायडे हा, स्वता आयएएस असल्याचे सांगून फक्त प्रसिध्दीसाठी विविध कार्यक्रमांना हजेरी लावायचा -अमोल झेंडे पोलीस उपायुक्त
फक्त प्रसिध्दीसाठी अधिकारी: याबाबत अधिक माहिती घेतली असता, हा तोतया अधिकारी बाहेर डॉक्टर विनय देव या नावाने फिरत होता. याबाबत पोलिसांकडे तक्रार दाखल केली. पोलिसांनी त्याचा शोध घेतला. त्याच्याकडे अधिक चौकशी करता त्याने त्याचे नाव वासुदेव निवृत्ती तायडे असे असल्याचे सांगितले. त्याच्याकडे अधिक चाैकशी केली असता, त्याने आपले खरे नाव लपवून आपले नाव डाॅ. विनय देव असे सांगून स्वता आयएएस अधिकारी असून पंतप्रधान कार्यालय, दिल्ली येथे डेप्युटी सेक्रेटरी म्हणुन नाेकरीस असल्याचे लाेकांना सांगत होता. तसेच लाेकांमध्ये वावरत असल्याचे सांगीतले. त्याच्या विरोधात चतुर्श्रुंगी पोलीस ठाणे येथे गुन्हा दाखल करण्यात आला आहे. याबाबत गुन्हे शाखेचे उपायुक्त अमोल झेंडे म्हणाले की, या तोतया अधिकाऱ्याचा शिक्षण हे बिकॉम् आणि एमए झाला आहे. आज पर्यंत त्याच तपास केले असता, हा तोतया अधिकारी फक्त प्रसिध्दीसाठी अधिकारी असल्याचे बनाव करीत होता. लोकांना आवाहन करण्यात येत आहे की, याने कोणाची फसवणूक केली असेल तर त्याने पुणे पोलिसांशी संपर्क साधावा. असे यावेळी झेंडे म्हणाले.
हेही वाचा -
1. Actress Suicide Case Mumbai दोन तोतया एनसीबी अधिकारी अखेर मुंबई पोलिसांच्या जाळ्यात
2. Fake NCB Officer व्हायचे होते आयपीएस अन् झाला एनसीबीचा तोतया अधिकारी सहकाऱ्यांसह चौघांना अटक
