मुंबई - शिवसेना राममंदिराच्या मुद्द्यावर अजुनही ठाम आहे. विशेष कायदा करा आणि राम मंदिर उभारा ही शिवसेनेची मागणी आहे. असे शिवसेना पक्ष प्रमुख उद्धव ठाकरे यांनी मुंबईतील दसरा मेळाव्या दरम्यान म्हटले आहे. यावेळी विधानसभेच्या प्रचाराचे बिगुल वाजवत शिवतीर्थावर शिवसेना पक्षप्रमुख उध्दव ठाकरेंनी काँग्रेस राष्ट्रवादीवर खरपुस टीका केली. मात्र, यावेळी आरे प्रकरणाचा उल्लेख करणे त्यांनी टाळले.
या शिवसेनेने भगवा दिलाय आणि तो रंग घेऊन मी पुढे निघलो आहे. भगवा फडकवण्यासाठी महाराष्ट्राच्या दौऱ्यावर निघालो आहे. राम जन्मले होते की नाही यावर वाद चालू आहे. असे कुठेच जगात चालले नसेल. या महिन्यात न्यायालयाने निकाल दिला तर आनंद आहेच. आम्हाला या देशात राम मंदिर पाहिजे. शिवसेना भाजप युती आहे. आमचा कारभार प्रभू रामचंद्र सारखा आहे. राम मंदिर बांधायचे आणि वचन तोडायचे हे आम्हाला पटत नाही. धनुष्यबाण निशाण घेतले तेव्हा राम मंदिर हा विषयही नव्हता. आजही आमची मागणी आहे की विशेष कायदा करून राम मंदिर बांधा. प्राण जाये पण वचन न जाये ही शिवसेनेची नीती, असे उद्धव यांनी यावेळी सांगितले.
मागील 30 वर्ष राम मंदिराचा प्रश्न सर्वोच्च न्यायालयात प्रलंबित आहे. त्यावर बोलू नका असे पंतप्रधान नरेंद्र मोदी यांनी म्हटले होते. तसेच शिवसेनेच नाव न घेता राममंदिर प्रकरणी बडगोले अशी टीका पंतप्रधान नरेंद्र मोदी यांनी नाशिकच्या सभेत केली होती. त्यावर शिवसेना पक्षप्रमुख उद्धव ठाकरे यांनी पंतप्रधान नरेंद्र मोदी यांच नाव न घेता अप्रत्यक्षपणे प्रत्युत्तर दिले की, या महिन्यात कोर्टाने राम मंदिराचा निर्णय दिल्यास त्याचे स्वागत आहे. राम मंदिर बांधायचे आणि वचन तोडायचे हे आम्हाला पटत नाही. त्यामुळे आम्हाला या देशात राम मंदिर पाहिजेच असे उध्दव ठाकरे म्हणाले.
काही दिवसांवर येऊन ठेपलेल्या विधानसभा निवडणुकीच्या पार्श्वभूमीवर पुन्हा एकदा शिवसेनेने आपल्या प्रचारात राम मंदिराचा प्रश्न निकाली निघाला पाहिजे अशी रि ओढली. कोर्टाला दसऱ्याची सुट्टी असते. 15 दिवसानंतर दिवाळी येते, त्या दिवशी पण कोर्टाला सुट्टी असते. राम जन्मले होते की नाही यावर वाद चालू आहे, असे कुठेच जगात चालले, नसेल असे कोर्टाला उध्दव ठाकरे यांनी राम मंदिर प्रश्नी सुनावले.
शिवसेनेने धनुष्यबाण निशाण घेतलं तेव्हा राम मंदिर हा विषयही नव्हता. आपल्या देशावर प्रेम करणारे मुसलमान देखील आहेत. आमचा कारभार प्रभू रामचंद्र सारखा आहे. राम मंदिर बांधायचं आणि वचन तोडायचे हे आम्हाला पटत नाही त्यामुळे राम मंदिर प्रश्न निकाली निघालाच पाहिजे. राम मंदिर अयोध्येत झालं पाहिजे असे उद्धव ठाकरे यांनी पुन्हा एकदा सांगितले.
शिवसेनेने शेतकऱ्यांचा पीक विमा प्रश्न उचलून धरला. त्यानंतर आता शेतकऱ्यांची कर्जमाफी नाही तर शेतकऱ्यांची कर्जमुक्ती करणार असून सत्ता आल्यावर शेतकऱ्यांचा सातबारा कोरा करणार असल्याची घोषणा उद्धव ठाकरे यांनी केली. शिवसेनेच्या वचननाम्यात पुन्हा एकदा शेतकऱ्यांना अग्रस्थानी ठेवण्यात आले आहे.
उद्धव ठाकरे यांनी विधानसभा निवडणुकीच्या पार्श्वभूमीवर शिवसेनेच्या वचननाम्याची घोषणा केली. यात गोर गरिबांसाठी 10 रुपयांत सकस आहाराची थाळी शिवसेना उपलब्ध करून देणार आहे. तसेच घरगुती 300 युनिट पर्यंतचा विजेचा दर शिवसेना कमी करण्यात येईल. सदृढ महाराष्ट्र करण्यासाठी एक रुपया मध्ये आरोग्य चाचणी केंद्र उभारले जाईल. महिला भगिनींच्या सुरक्षिततेसाठी बस सेवा सुद्धा शिवसेना देणार असल्याचे उध्दव ठाकरे यांनी सांगितले.
