मुंबई : पश्चिम रेल्वे मार्गावर पुन्हा एकदा धावत्या लोकलमध्ये विनयभंग झाल्याची घटना घडली आहे. सात दिवसांपूर्वीच सीएसएमटी रेल्वे स्थानकात एका तरुणीवर अतिप्रसंग झाला होता. त्यानंतर महिला सुरक्षेच्या प्रश्न ऐरणीवर आला होता. मात्र, अद्याप महिलांच्या सुरक्षेचा प्रश्न अजून सुटलेला नसल्याचे स्पष्ट दिसत आहे. धावत्या लोकलमध्ये एका तरूणाने २४ वर्षीय तरूणीची छेड काढण्याचा प्रयत्न केला. या घटनेप्रकरणी तरुणाविरोधात मुंबई सेंट्रल रेल्वे पोलीस ठाण्यात विनयभंगाचा गुन्हा दाखल करण्यात आला आहे.
पथके तयार करुन आरोपीचा शोध सुरु : या प्रकरणी मुंबई सेंट्रल रेल्वे पोलीस ठाण्यात तरुणीने तक्रार दाखल केली. पोलिसांकडून आरोपीचा शोध सुरू आहे. मात्र, 24 तास उलटून गेले तरी आरोपी पोलिसांच्या हाती लागलेला नाही. आरपीएफ, जीआरपी, क्राईम ब्रांच आणि मुंबई पोलिसांनी पथके तयार करुन आरोपीचा शोध सुरु केला आहे. रेल्वे स्थानकात बसवलेले सीसीटीव्ही कॅमेऱ्याचे फूटेज पोलीस तपासत आहे.
पीडित तरूणीवर लैंगिक अत्याचार : सहा दिवसांपूर्वी सीएसएमटी-पनवेल लोकलमध्ये तरुणीवर अतिप्रसंग बेतला होता. सात दिवसांपूर्वी हार्बर मार्गावरील मस्जिद बंदर आणि छत्रपती शिवाजी महाराज टर्मिनस (सीएसएमटी) या स्थानकादरम्यान गंभीर घटना घडली. पीडित तरुणी मुंबईतील गिरगाव येथील रहिवासी असून ती नवी मुंबईतील बेलापूर इथे एका परीक्षेला जात होती.ट्रेन सुरु होताच आरोपी डब्ब्यात चढला. मुलगी एकटीच प्रवास करत होती. आरोपीने पीडित तरूणीवर लैंगिक अत्याचार केला. यावेळी तरुणीने स्वत:चा बचाव करण्याचा प्रयत्न केला. याप्रकरणी सीएसएमटी पोलीस ठाण्यात गुन्हा दाखल झाल्यानंतर आरोपीला मस्जिद बंदर येथून अटक करण्यात आली होती.
हेही वाचा :
