मुंबई Ashish Shelar on Sanjay Raut : शिवसेना ठाकरे गटाचे खासदार संजय राऊत यांनी क्रिकेट विश्वचषकाच्या फायनलमध्ये भारताच्या पराभवानंतर भाजपावर बोचरी टीका केली होती. "हा सामना भारत विरुद्ध ऑस्ट्रेलिया नसून, भाजपा विरुद्ध ऑस्ट्रेलिया असा होता", असं ते म्हणाले. त्यांच्या या टीकेला मुंबई भाजपा अध्यक्ष आशिष शेलार यांनी उत्तर दिलं आहे. "राऊत यांनी पंतप्रधानांवर बोलताना सांभाळून बोलावं, नाहीतर जीभ हासडावी लागेल", असं शेलार म्हणाले.

बावनकुळे यांच्यावरील टीकेला प्रत्युत्तर : संजय राऊत यांनी भाजपा प्रदेशाध्यक्ष चंद्रशेखर बावनकुळे यांच्यावर कॅसिनोत खेळल्याप्रकरणी टीका केल्यानंतर त्या टीकेला भाजपाकडून सडेतोड उत्तर दिलं जात आहे. भाजपा नेते आशिष शेलार म्हणाले, "एलॉन मस्क यांना विनंती करणार आहे की, राजकीय पक्षातील नेते, विशेषतः प्रभादेवीच्या गल्लीत बसून स्वतःला संपादक म्हणवून घेणारे ट्विट करणार असतील तर त्यांच्या ट्विटला 'नो अल्कोहोल कन्झ्युम', 'नो गांजा कन्झ्युम', असं प्रमाणपत्र जोडावं आणि मगच त्यांनी ट्विट करावं".

संजय राऊत यांनी मराठी माणसांची घरं खाल्ली : शेलार पुढे म्हणाले की, दिवसाढवळ्या गांजा आणि चिलीम ओढणारे संजय राऊत दुसऱ्यावर आरोप करत आहेत. कोण आहेत संजय राऊत? संजय राऊत यांनी गोरेगावमध्ये मराठी माणसांची घरे खाल्ली. बिल्डरसोबत दलाली केली. ज्यांचे हात गांजा, चिलीम ओढण्यात व्यस्त आहेत, त्यांनी इतरांवर आरोप का करावेत? अशा बोचऱ्या शब्दात आशिष शेलारांनी टीका केली.

आमच्याकडे २७० फोटो आहेत : शेलार पुढे म्हणाले की, त्यांच्याकडे २७ फोटो असतील तर आमच्याकडे २७० फोटो आहेत. पेग, पेंग्विन, पार्टीचे जनक आणि चालक कोण? याची सर्व माहिती काढावी लागेल. संजय राऊत यांनी पंतप्रधानांविषयी बोलताना सांभाळून बोलावं. नाहीतर जीभ हासडावी लागेल, अशा शब्दांत आमदार आशिष शेलार यांनी पलटवार केला.

हेही वाचा :

1. "मी कुणाच्या बापाला घाबरत नाही, माझ्याकडे आणखी 27 फोटो आहेत"; बावनकुळे प्रकरणावरुन राऊतांचा पुन्हा हल्लाबोल
2. संजय राऊत यांची विकृत मानसिकता झळकली; ‘त्या’ फोटोवर देवेंद्र फडणवीस यांची प्रतिक्रिया