जालना - भोकरदन तालुक्यातील एका कर्जबाजारीपणा आणि अवेळी पावसाला कंटाळून शेतकऱ्याने गळाफास घेत आत्महत्या केल्याची घडना घडली आहे. ही घटना रविवारी दुपारी 2 वाजेच्या सुमारास घडली. भाऊसाहेब दौलत साळवे (वय 32, रा. कुंभारी ता. भोकरदन) असे मृत शेतकऱ्याचे नाव आहे.
भाऊसाहेब साळवे याच्याकडे ३ एकर जमीन आहे. त्यात साळवेवर पीक कर्ज आणि साखर कारखान्याची काही उचल असे मिळून सुमारे एक लाखाच्या जवळपास कर्ज आहे. अवेळी आलेल्या पावसामुळे त्याच्या शेतातील मक्याचे पूर्णपणे नुकसान झाले. त्यामुळे तो गेल्या काही दिवसांपासून कर्ज कसे फेडावे या विवंचनेत होता. कर्ज फेडण्याचे विचारातच नैराश्य आल्याने त्याने रविवारी दुपारी 2 वाजेच्या सुमारास कुंभारी गावातील राहत्या घराच्या मागील लिंबाच्या झाडाला गळफास घेऊन आत्महत्या केली.
हेही वाचा - हैदराबाद बलात्कार,खून प्रकरण; पीडितेचे नाव बदलून केले 'जस्टिस फॉर दिशा'
त्याच्या पश्चात आई, पत्नी, 2 मुली आणि 1 मुलगा असा परिवार आहे. त्याच्यावर कुंभारी येथे रविवारी सायंकाळी अंत्यसंस्कार करण्यात आले. सुधाकर तेजराव साळवे यांनी दिलेल्या माहितीवरून भोकरदन पोलिसांनी सदर प्रकरणी अकस्मात मृत्यूची नोंद करण्यात आली आहे. तर अधिक तपास बीट अंमलदार संदीप उगले हे करीत आहे.
हेही वाचा - एमएमटीसीने तुर्कीकडून 11 हजार टन कांदा आयातीचा निर्णय
