गोंदिया - रेल्वेने गांजाची तस्करी करणाऱ्या 2 आरोपींना गोंदिया रेल्वे पोलिसांनी अटक केली आहे. त्यांच्याकडून 60 हजार रुपये किमतीचा 6 किलो गांजा जप्त करण्यात आला आहे. मो. जमशेद वल्द अब्दुल हमीद (वय-45) आणि मो. अली वल्द अब्दुल सत्तार ((वय-46, रा. बिहार) अशी अटक करण्यात आलेल्या आरोपींची नावे आहेत.
रेल्वेने गांजाची तस्करी, 2 आरोपींना अटक
रेल्वे पोलिसांची अवैध तस्करीला आळा घालण्यासाठी शोध मोहीम सुरू असताना गोंडवाना एक्सप्रेसमध्ये दोन आरोपी संशयितरीत्या फिरताना आढळले. विचारपूस केली असता उडवा-उडवीची उत्तरे देत असताना पळून जाण्याचा प्रयत्न करत असताना त्यांना ताब्यात घेण्यात आले. त्यांची तपासणी केली असता त्यांच्याजवळ 6 कोलो गांजा आढळून आला. या गांजाची बाजार भावाप्रमाणे किंमत 60 हजार रुपये आहे. दोन्ही आरोपीना अटक करण्यात आली असून त्यांच्यावर NDPS ACT नुसार कारवाई करण्यात आली आहे.
