गडचिरोली - भामरागड तालुक्यात चार पाच दिवसात मुसळधार पाऊसामुळे आलापल्ली- भामरागड ( Heavy rain in Bhamragad taluka ) मार्गावरील कुमरगुड नाला, कुडकेली नाला दुथडी भरुन वाहत होते. मंगळवारी पहाटेपासुनच भामरागड आलपल्ली मार्ग बंद होता. सायंकाळी पर्यंत भामरागड शहरालगत वाहत असलेल्या पर्लाकोटा नदी पुलावर ( Parlakota river bridge ) मंगळवारी सकाळी 5.00 वाजेपर्यंत पुलावर पाणी होते. वाढलेला पूर ( Bhamragarh Flood ) पाहता स्थानिक पोलीस प्रशासनातर्फे खबरदारी म्हणून भमरगड बाजारपेठ पूर्णपणे खाली करुन सुरक्षित स्थळी हटवण्यात आली होती.
हेही वाचा - Tractor Plunged into Water : गुजरातमध्ये मुसळधार पाऊस; खारी नदीत ट्रॅक्टर गेला वाहून, पाहा Video
आज सकाळी 5 वाजता पुलावरचे पाणी कमी झाले. मात्र, पुलावर काडी, कचरा, मोठी-मोठी लाकडे अडकून पडली होती. त्यामुळे तीन दिवसापासून अडकून पडलेल्या प्रवाशांची गैरसोय होत आहे. पुलावर मोठ्या प्रमाणावर गाळ जमा झाल्याने वाहने अडकून पडली होती. एसडीआरएफ पथकाने पुलाची पाहणी केल्यानंतर पुल वाहतूकीसाठी खुला केला आहे. यावेळीतहसीलदार अनमोल कांबळे ,एसडीपीओ नितीन गणापुरे, पो.नि.किरण रासकर, पो.उपनिरीक्षक संकेत नानोटे आदी जण उपस्थित होते.
दरम्यान, चंद्रपूर जिल्ह्यात मागील 48 तासांत संततधार पाऊस ( Continuous rain in Chandrapur district ) सुरू आहे. यामुळे जनजीवन प्रभावीत झाले असून अनेक गावांचा ( Many villages were cut off due to rains ) संपर्क तुटला आहे. मागील 24 तासांत जिल्ह्यातील बल्लारपूर, राजुरा, जिवती या तीन तालुक्यात ( Excessive rainfall in three Tahsil ) अतिवृष्टी झाली आहे. तालुक्यात सरासरी 48 मिलिमीटर पावसाची नोंद करण्यात आली आहे. तर, इरई धरणाची तीन दारवाजे उघडण्यात आली आहेत. रविवारी झालेल्या पावसामुळे ब्रह्मपुरी तालुक्यात एक शेतकरी नाल्यात वाहून गेला. तालुक्यात झालेल्या पावसामुळे अनेक गावांचा संपर्क तुटला आहे. जिल्ह्यातील काही मध्यम तसेच लघुसिंचन प्रकल्प शंभर टक्के भरले आहे. दरम्यान, इरई धऱणाचे तीन दरवाजे उघडल्यामुळे नदीकाठावरील गावांना प्रशासनाने सर्तकतेचा इशारा दिला आहे. चंद्रपूर शहर महानगरपालिकेनेही शहरातील नदीकाठावरील नागरिकांना सावधिगिरी बाळगावी, असे आवाहन केले आहे.
हेही वाचा - Vishalgad Part Collapsed : आधी पन्हाळा आणि आता विशाळगडाचा बुरुज ढासळला; दुर्गसंवर्धन मोहिम कागदावरच!
