चंद्रपूर : जन्मदात्या वडिलाने आपल्या दोन चिमुकल्या मुलांना आधी विष Children were poisoned पाजले. त्यानंतर त्यांचा गळा आवळून खून केला. ही घटना शुक्रवारी (ता. २) सायंकाळी ५.३० वाजताच्या सुमारास वरोरा शहरालगतच्या बोर्डा गावात Children of Borda village were poisoned घडली. या घटनेमुळे मोठी खळबळ उडाली असून, फरार वडिलाविरुद्ध पोलिसांनी गुन्हा दाखल करून शोध सुरू केला आहे. संजय श्रीराम कांबळे (वय ४०) असे वडिलाचे, तर सुमित (वय ७), मिस्टी (वय ३) अशी मृत चिमुकल्यांची नावे आहेत.
तालुक्यातील बोर्ड येथे संजय कांबळे Sanjay Kamble poisoned children हे कुटुंबीयांसह राहतात. खासगी शिकवणी हा त्यांचा व्यवसाय होता. यातून मिळणाऱ्या उत्पन्नातून ते कुटुंबाचा उदरनिर्वाह करीत होते. काही दिवसांपूर्वी त्यांची पत्नी पनिता (वय ३५) ही एका महाविद्यालयात कंत्राटी स्वरुपात नोकरीवर जात होती. त्यांच्या संसारवेलीवर सुमित (वय ७), मिस्टी (वय ३) अशी दोन फुले उमलली होती. सुखात संसार सुरू होता. परंतु, मागील काही दिवसांपासून संजय कांबळे यांची मानसिकस्थिती बिघडली होती. यामुळे शिकवणी वर्ग बंद होण्याच्या मार्गावर होते.
गळा आवळून खून - शुक्रवारी सकाळी पत्नी पनिता ही कॉलेजमध्ये कामानिमित्त गेली होती. सुमित मिस्टी ही दोन मुले वडिल संजय कांबळे यांच्यासोबत घरी होती. सायंकाळी पनिता कांबळे या घरी आल्या. घराचा मुख्य दरवाजा लावलेला होता. परंतु, पतीची चपल तिथे नव्हती. त्यामुळे ते बाहेर गेले असावे, असे तिला वाटले. त्यानंतर घराचा दरवाजा उघडून बघितले असता तिला मोठा धक्का बसला. दोन्ही मुले बेडवर पडलेली होती. तोंडातून फेस बाहेर आलेला होता. तिच्या ओरडण्याने शेजारच्या नागरिकांनी धाव घेतली. तातडीने दोन्ही मुलांना उपजिल्हा रुग्णालयात उपचारासाठी दाखल करण्यात आले. परंतु, डॉक्टरांनी दोन्ही मुलांना मृत घोषित केले. या दोन्ही मुलांना आधी विष दिले. त्यानंतर गळा आवळून खून करण्यात आल्याचा प्राथमिक अंदाज वर्तविला जात आहे. या घटनेची तक्रार वरोरा पोलिसांत करण्यात आली. पोलिसांनी वडिल संजय कांबळे याच्याविरुद्ध गुन्हा दाखल करून तपास सुरू केला आहे.
हेही वाचा - Top News 3 September : आजच्या महत्त्वाच्या घडामोडी; वाचा एका क्लिकवर
