औरंगाबाद - गुटखा थुंकणाऱ्या कार चालकामुळे दुचाकीस्वाराचा मृत्यू झाल्याची धक्कादायक घटना औरंगाबादमध्ये घडली. पैठण रस्त्यावर सोमवारी दुपारच्या सुमारास ही घटना घडली. या घटनेत रोहित सोनवणे (वय 25, रा.चितेगाव) या युवकाचा मृत्यू झाला.
हेही वाचा - मोहाडीमध्ये माय-लेकाला ट्रक्टरने चिरडले; आईचा मृत्यू, मुलगा जखमी
औरंगाबाद-पैठण रस्त्यावर चितेगावकडून औरंगाबादकडे जाणाऱ्या कार चालकाने गुटखा थुंकण्यासाठी कारची गती कमी करुन दरवाजा उघडला. त्यावेळी पाठीमागून येणाऱ्या मोटारसायकलला दरवाजाचा धक्का लागला आणि दुचाकीस्वाराचे नियंत्रण सुटले. त्यावेळी युवक समोरुन येणाऱ्या ट्रक खाली आल्याने, त्याचा जागीच मृत्यू झाला. ही घटना चितेगाव येथील पथकर नाक्‍याजवळ घडली.
