नगर (शिर्डी) : शिवसेना नेते एकनाथ शिंदेसोबत शिवसेनेच्या 40 आमदारांनी बंड ( After The Revolt of Eknath Shinde ) पुकारल्यामुळे राज्य सरकार संकटात ( Political Crisis in Maharastra ) सापडले आहे. शिवसेनेचे ज्येष्ठ नेते एकनाथ शिंदे यांच्या नेतृत्वात आमदारांनी हे बंड पुकारलं ( The MLAs called for a Revolt ) आहे. यामुळे शिवसैनिकांमध्ये चिड निर्माण झाली असून, अनेक ठिकाणी शिंदे समर्थक आमदारांचा निषेध करीत मोर्चे काढले जाताहेत. शिर्डीतही आज शिवसैनिकांनी विराट मोर्चा काढत बंड आमदारांचा निषेध केला आहे.
शिवसैनिकांनी टायर जाळले : उत्तरनगर जिल्ह्यातील शिवसैनिकांनी आज एकत्र येत शिर्डीतील शासकीय विश्रामग्रहापासून विराट मोर्चा काढला होता. हा मोर्चा शिर्डीतील नगरपंचायत समोर आला. यावेळी काही शिवसैनिकांनी टायर जाळण्याचा प्रयत्न केला असताना पोलिसांना त्यांनी रोखले. यावेळी पोलीस आणि शिवसैनिकांमध्ये काही काळ टायर पेटवण्यावरून झटापट झाली. दरम्यान, शिर्डी लोकसभा मतदारसघांचे शिवसेनेचे खासदार सदशिव लोखंडे ( MP Sadashiv Lokhande ) यांनी मध्यस्ती करीत शिवसैनिकांना शांत केले आणि शिवसैनिकांनी आणलेले टायर पोलिसांनी जप्त केले आहे.
एकनाथ शिंदे यांचा निषेध : शिर्डी शासकीय विश्रामगृह येथून सुरुवात करण्यात आलेल्या हा विराट मोर्चा अहमदनगर-मनमाड महामार्गावरून थेट शिर्डी नगरपंचायतसमोर पोहोचला. यावेळी शिर्डी लोकसभा मतदासंघांचे शिवसेनेचे खासदार सदाशिव लोखंडे यांच्यासह अनेक शिवसैनिकांनी आपले मनोगत व्यक्त केले. काही काळ अहमदनगर-मनमाड महामार्गावर शिवसैनिक ठाण मांडून बसले असल्याने नगर-मनमाड महामार्गावरील वाहतूक एकेरी मार्गाने सुरू करण्यात आली. बंड आमदारांच्या विरोधात शिर्डीत शिवसैनिकांनी काढलेल्या या विराट मोर्चामध्ये उत्तर नगर जिल्ह्यातील विविध ठिकाणच्या शिवसैनिकांनी एकत्र येऊन हा विराट मोर्चा काढला होता. यात महिला शिवसैनिकसुद्धा मोठ्या प्रमाणात सहभागी झाल्या होत्या. यावेळी जोरदार घोषणाबाजी करीत एकनाथ शिंदे यांचा निषेध करण्यात आला.
हेही वाचा : Maharashtra Poltical Crisis: 38 आमदारांनी पाठिंबा काढला सरकार अल्पमतात - शिंदे गटाचा याचिकेत दावा
