ETV Bharat / sports

Rishabh Pant Health Update: ऋषभ पंत लवकरच होणार बरा; फोटो शेअर करून दिले तंदुरुस्तीचे अपडेट

author img

By

Published : May 4, 2023, 1:57 PM IST

Rishabh Pant
ऋषभ पंत

ऋषभ पंतने सोशल मीडियावर ताजे फोटो शेअर करून लवकरच तंदुरुस्त होण्याचे संकेत दिले आहेत. या फोटोंमध्ये ऋषभ पंत हा नव्या लूकमध्ये दिसत आहे. डिसेंबर 2022 मध्ये पंतचा अपघात झाला होता.

नवी दिल्ली : भारतीय क्रिकेट संघाचा यष्टीरक्षक फलंदाज ऋषभ पंतने बुधवारी स्वतःचा एक फोटो शेअर करून त्याच्या रिकव्हरीची माहिती दिली आहे. तो लवकर बरा व्हावा अशी अपेक्षा व्यक्त करत आहे. कार अपघातात जखमी झाल्यानंतर तो सावरण्याचा प्रयत्न करत आहे. लोकांना आशा आहे की, तो लवकरच फिट होईल आणि मैदानावर खेळताना दिसेल. फलंदाज ऋषभ पंतने इंस्टाग्रामवर आपल्या स्टोरीमध्ये लिहिले आहे की, 'खेळ चारित्र्य घडवत नाही, ते 'ते' प्रकट करतात. म्हणजे खेळ हे चारित्र्य निर्माण करत नाहीत तर ते प्रकट करण्याचे साधन आहेत.

ऋषभ पंतच्या गुडघ्यावर शस्त्रक्रिया : ऋषभ पंत हा उत्तराखंडमधील त्यांच्या घरी जात असताना त्यांचा भीषण अपघात झाला. तिथल्या लोकांनी ऋषभ पंतला योग्य वेळी हॉस्पिटलमध्ये नेऊन त्याचे प्राण वाचवले. या अपघातात ऋषभ पंतच्या गुडघ्यावर शस्त्रक्रिया करावी लागली. शस्त्रक्रियेला दोन महिने उलटूनही पंत अजूनही आधार घेऊन चालत आहेत. त्याच्यावर सध्या फिजिओथेरपी सुरू आहे, ज्यामुळे त्याला पुढील काही महिन्यांत चालायला मदत होईल.

तंदरूस्त होण्यासाठी 8 महिन्यांचा कालावधी : यष्टीरक्षक फलंदाज ऋषभ पंतच्या फिटनेस अहवालानुसार, तो यंदाच्या आशिया चषक आणि एकदिवसीय विश्वचषक २०२३ मध्ये खेळू शकणार नाही, असे दिसते. परंतु ऋषभ पंतला या दोन मोठ्या स्पर्धांमध्ये खेळण्याची ईच्छा आहे. मात्र, पंत पूर्णपणे बरा होऊन मैदानात उतरण्यासाठी किमान 8 महिन्यांचा कालावधी लागणार असल्याचे बोलले जात आहे. ऋषभ पंतच्या उपचारात गुंतलेल्या डॉक्टरांचा असा विश्वास आहे की, पंत या वर्षाच्या अखेरीस क्रिकेटच्या मैदानावर दिसण्याची शक्यता आहे. त्याआधी तो खेळण्यासाठी तंदुरुस्त नसू शकतो. तसे, ऋषभ पंतनेही राष्ट्रीय क्रिकेट अकादमीमध्ये पुनर्वसन कार्यक्रम सुरू केला आहे. आयपीएल खेळणाऱ्या आपल्या संघातील खेळाडूंना प्रोत्साहन देण्यासाठी तो अरुण जेटली स्टेडियमवरही गेला होता.

हेही वाचा : Rishabh Pant Health Update : पायावरील शस्त्रक्रियेमुळे ऋषभ पंत राहणार मैदानाबाहेर; तज्ज्ञ डाॅक्टरांची माहिती

TAGGED:

Rishabh Pant fast recoveryRishabh Pant Latest Health Updateऋषभ पंतRishabh Pantयष्टीरक्षक फलंदाज ऋषभ पंतऋषभ पंतच्या गुडघ्यावर शस्त्रक्रिया

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.