नई दिल्ली: भारतीय ऑलिम्पिक संघटनेचे ( IOA ) अध्यक्ष नरिंदर बत्रा यांनी आपल्या पदाचा राजीनामा दिला ( IOA President Narinder Batra has resigned ) आहे. हॉकी इंडिया फंडाशी संबंधित 35 लाख रुपयांच्या कथित गैरव्यवहारप्रकरणी सीबीआयने गेल्या महिन्यात बत्रा यांच्याविरुद्ध प्राथमिक चौकशी सुरू केली होती. दरम्यान, आयओए सदस्यांनी त्यांना आयओए अध्यक्षपद सोडण्याची मागणी केली होती.
बत्रा यांनी निवेदनात म्हटले आहे की, सध्या जागतिक हॉकी विकासाच्या टप्प्यातून जात आहे. नवीन स्पर्धा, एफआयएच हॉकी नेशन्स कप ( FIH Hockey Nations Cup ), चाहत्यांना आकर्षित करण्यासाठी इतर उपक्रम या वर्षी सुरू होणार आहेत. अशा परिस्थितीत आंतरराष्ट्रीय हॉकी महासंघाचे (FIH ) अध्यक्ष असल्याने या सर्व कामांसाठी अधिक वेळ द्यावा लागेल. परिणामी, मी आयओएच्या अध्यक्षपदावरून पायउतार होण्याचा निर्णय घेतला आहे.
सीबीआयने एका निवेदनात म्हटले आहे की, केंद्रीय अन्वेषण एजन्सीकडे बत्रा यांच्या विरोधात तक्रार ( Complaint against Batra to CIA ) प्राप्त झाली होती, त्यानंतर त्यांनी प्राथमिक चौकशी सुरू केली, जे पहिल्या घटनेत गुन्हा सिद्ध करण्याच्या दिशेने पहिले पाऊल आहे. अधिकाऱ्यांनी सांगितले की, हॉकी इंडियाचे 35 लाख रुपये बत्रा यांच्या वैयक्तिक फायद्यासाठी वापरण्यात आल्याचा आरोप तक्रारीत करण्यात आला आहे.
विशेष म्हणजे बत्रा यांच्यावर हॉकीशी संबंधित प्रकरणांमध्ये हस्तक्षेप केल्याचा आरोपही करण्यात आला आहे. नरिंदर बत्रा यांनी क्रीडा महासंघाला एक छोटा संदेश पाठवून नुकत्याच झालेल्या पुरुष हॉकी संघाच्या कामगिरीवर प्रश्नचिन्ह उपस्थित केले होते. यानंतर बत्रा आणि हॉकी इंडियाचे संबंध बिघडले. ऑलिम्पियन आणि 1975 च्या विश्वचषक विजेत्या संघाचे सदस्य अस्लम शेर खान यांनी हॉकी इंडियाच्या कारभारात बत्रा यांच्या स्वारस्याबद्दल प्रश्नचिन्ह उपस्थित केले.
नरिंदर बत्रा 2017 मध्ये भारतीय ऑलिम्पिक संघटनेचे अध्यक्ष बनले. सध्या ते आंतरराष्ट्रीय हॉकी महासंघाचे अध्यक्षही आहेत. गेल्या वर्षी, बात्रा यांची सलग दुसऱ्यांदा FIH चे अध्यक्ष म्हणून निवड झाली होती आणि ते 2024 पर्यंत या पदावर राहतील. बत्रा हे हॉकी इंडियाचे (HI) अध्यक्षही राहिले आहेत.
हेही वाचा - Chessball Masters Final : प्रज्ञानानंदने अंतिम फेरीत मारली धडक
