नवी दिल्ली : ऑलिम्पिक रौप्यपदक विजेता नेमबाज विजय कुमारची ( Olympic silver medalist shooter Vijay Kumar ) आगामी आयएसएसएफ जागतिक चॅम्पियनशिपसाठी ( ISSF World Championship ) भारतीय नेमबाजी संघात निवड करण्यात आली आहे. लंडन ऑलिम्पिक स्पर्धेत पोडियम स्थान मिळवल्यानंतर तो त्याच्या पहिल्या मोठ्या स्पर्धेत खेळेल.
नॅशनल रायफल असोसिएशन ऑफ इंडिया ( NRAI ) ने 12 ते 25 ऑक्टोबर दरम्यान कैरो, इजिप्त येथे होणाऱ्या जागतिक चॅम्पियनशिपसाठी 48 सदस्यीय भारतीय रायफल आणि पिस्तूल संघाची ( Indias 48 member squad Announce ) घोषणा केली. लंडन ऑलिम्पिकमध्ये 25 मीटर रॅपिड फायर पिस्तुल रौप्यपदक जिंकणाऱ्या या पिस्तुल नेमबाज विजय कुमारने यावर्षी राष्ट्रीय संघात पुनरागमन केले.
खांद्याच्या गंभीर दुखापतीमुळे त्याने विश्रांती घेतली होती. शिमला येथील हिमाचल प्रदेश पोलीस मुख्यालय ( PHQ ) येथे तैनात असलेले पोलीस उपअधीक्षक विजय पाच वर्षांच्या कालावधीनंतर स्पर्धात्मक नेमबाजीत परतले होते. पाच वेळा कॉमनवेल्थ गेम्समध्ये सुवर्णपदक विजेता विजयने सैन्यातील नोकरी सोडली आणि 2017 मध्ये हिमाचल प्रदेश पोलिसात रुजू झाला.
क्रोएशियातील ओसिजेक येथे 19 सप्टेंबरपासून सुरू होणाऱ्या शॉटगन वर्ल्ड चॅम्पियनशिपसाठी ( Shotgun World Championship ) 24 सदस्यीय संघ आधीच जाहीर करण्यात आला आहे. सध्याच्या संघातील अनेक नेमबाज प्रथमच जागतिक चॅम्पियनशिपमध्ये सहभागी होणार आहेत. ज्यात विजय आणि अंजुम मौदगील ( Former World Championship medalist ) अनुभव घेऊन येतील. संघातील अनुभवी खेळाडूंमध्ये ऑलिंपियन मनू भाकर, ऐश्वर्य प्रतापसिंग तोमर आणि इलावेनिल वालारिवन यांच्याशिवाय दिव्यांश सिंग पनवार यांचा समावेश आहे.
हेही वाचा - Asia Cup 2022 : पुन्हा एकदा भिडणार भारत पाकिस्तान; जाणून घ्या सुपर फोर फेरीचे संपूर्ण वेळापत्रक
