नवी दिल्ली: ऑलिम्पिक कांस्यपदक विजेती साक्षी मलिकने ( Olympic bronze medalist Sakshi Malik ) शनिवारी उघड केले की, ती गेल्या दोन वर्षांत कठीण टप्प्यातून गेली आहे, परंतु राष्ट्रीय चाचण्यांनी तिचा "आत्मविश्वास" परत मिळवण्यास मदत केली. त्याच वेळी, कुस्तीपटू बर्मिंगहॅममध्ये 28 जुलैपासून सुरू होणाऱ्या राष्ट्रकुल क्रीडा स्पर्धेत पदक जिंकण्यासाठी जोरदार सराव करत आहे. साक्षीने मे महिन्यात 62 किलो वजनी गटात राष्ट्रीय संघात स्थान मिळवले होते. 29 वर्षीय साक्षीला निवड चाचणीत 20 वर्षीय सोनम मलिकचा पाच सामन्यांमध्ये पराभव करून हे स्थान गाठावे लागले.
मलिक म्हणाली, "गेल्या दोन वर्षांपासून मी संघर्ष करत आहे आणि जेव्हा मी (CWG) चाचणी जिंकली, तेव्हा मला दिलासा मिळाला होता. होय, मी क्रमवारीत सुवर्णपदक जिंकले आहे. हे देखील महत्त्वाचे होते परंतु चाचण्या जिंकणे ही मला खरोखर आनंदाची गोष्ट होती. मलिक पुढे आयएएनएसला म्हणाली, "माझ्यासाठी ते किती कठीण होते हे मी सांगू शकत नाही, मला सामने गमावल्याबद्दल वाईट वाटायचे आणि मी माझ्या पतीशी माझ्या समस्यांबद्दल बोलायची आणि तो मला पाठिंबा देत असे.
मी आक्रमक लढाईवर कधीच विश्वास ठेवत नाही, पण मला खडतर लढतींनाही सामोरे जावे लागले. माझे विरोधक केस पकडून बोटांना लक्ष्य करायचे, पण माझा विश्वास आहे की जेव्हा तुम्हाला एखादा खेळ आवडतो तेव्हा तुम्ही त्याचे योग्य पालन केले पाहिजे. राष्ट्रकुल स्पर्धेच्या तयारीबाबत ( Sakshi Malik told About Commonwealth Games ) पुढे बोलताना ती म्हणाली की, माझा सराव चांगला सुरू आहे. ती पुढे म्हणाली, मी राष्ट्रकुल स्पर्धेसाठी खूप मेहनत घेत आहे आणि सध्या मी लखनौमध्ये आहे. मला देशासाठी पदक जिंकायचे आहे, जेणेकरून देशाला अभिमान वाटेल. मला माझ्या देशातील जनतेचा नेहमीच पाठिंबा मिळाला आहे.
भारतीय महिला संघ : पूजा गेहलोत (50 किलो), विनेश फोगट (53 किलो), अंशू मलिक (57 किलो), साक्षी मलिक (62 किलो), दिव्या काकरन (68 किलो), पूजा सिहाग (76 किलो).
