ETV Bharat / sports

गौतम गंभीरचं केकेआरमध्ये पुनरागमन, दिसणार 'या' नव्या भूमिकेत

author img

By ETV Bharat Marathi Team

Published : Nov 22, 2023, 3:36 PM IST

Gautam Gambhir
Gautam Gambhir

Gautam Gambhir : वनडे विश्वचषक संपल्यानंतर आता सर्वजण २०२४ मध्ये होणाऱ्या आयपीएलच्या तयारीला लागले आहेत. दोन वेळच्या चॅम्पियन कोलकाता नाईट रायडर्सनं त्यांचा माजी कर्णधार गौतम गंभीरची मेंटर म्हणून नियुक्ती केली.

नवी दिल्ली Gautam Gambhir : क्रिकेट विश्वचषक २०२३ संपल्यानंतर आता सर्वांना उत्सुकता लागली आहे ती पुढील वर्षी होणाऱ्या आयपीएलची. आयपीएल २०२४ साठी दोन वेळच्या चॅम्पियन कोलकाता नाईट रायडर्समध्ये मोठा बदल करण्यात आला आहे. आपल्या नेतृत्वाखाली कोलकात्याला दोनदा चॅम्पियन बनवणारा गौतम गंभीर आता संघामध्ये पुन्हा परतणार आहे. मात्र यावेळी तो खेळाडू म्हणून नाही तर मार्गदर्शक म्हणून टीममध्ये सामील होईल.

काय म्हणाला गौतम गंभीर : गौतम गंभीरनं लखनऊ सुपरजायंट्समधून माघार घेण्याची घोषणा केली. गंभीरनं एका निवेदनात म्हटलं आहे की, "मी भावनिक व्यक्ती नाही. अनेक गोष्टींचा माझ्यावर परिणाम होत नाही. मात्र हे वेगळं आहे. जिथून हे सर्व सुरू झालं, तेथे मी परतलोय. आज पुन्हा एकदा ती जांभळी आणि सोन्याची जर्सी घालण्याच्या विचारानं माझ्या मनात उत्साह संचारला आहे. मी केवळ केकेआरमध्ये नाही तर आनंदाच्या शहरात परतत आहे", असं गंभीरनं नमूद केलं.

  • Gautam Gambhir returns to KKR after 6 long years. The captain who brought glory to KKR twice, returns as the mentor.

    Welcome back to the Knight family, Gauti...!!! pic.twitter.com/prg3dV4WYb

    — Mufaddal Vohra (@mufaddal_vohra) November 22, 2023 " class="align-text-top noRightClick twitterSection" data=" ">

कोलकात्याला २ वेळा चॅम्पियन बनवलं : गंभीर २०११ मध्ये कोलकाता नाइट रायडर्समध्ये सामील झाला होता. २०१७ पर्यंत तो संघात राहिला. २०१२ आणि २०१४ मध्ये कोलकाता नाइट रायडर्सनं आयपीएल जिंकलं तेव्हा तो कर्णधार होता. २०२४ च्या आगामी हंगामापासून तो संघाचा मार्गदर्शक म्हणून कोलकाता फ्रँचायझीमध्ये सामील होईल.

  • Shahrukh Khan said - "Gautam Gambhir has always been part of the KKR family & this is our Captain coming back home in a different Avatar as a Mentor. Now we look forward to Chandu sir & Gautam in instilling the never say die spirit and of sportsmanship & creating magic for KKR". pic.twitter.com/kTsZ9tvvrT

    — CricketMAN2 (@ImTanujSingh) November 22, 2023 " class="align-text-top noRightClick twitterSection" data=" ">

शाहरुख खाननं स्वागत केलं : गौतम गंभीर केकेआरमध्ये परतल्यानंतर संघाचा सह-मालक शाहरुख खान म्हणाला, "गौतम नेहमीच कुटुंबाचा एक भाग राहिला आहे. आमचा कर्णधार आता 'मेंटर' म्हणून वेगळ्या अवतारात परततोय. त्याची खूप उणीव भासली. आता आम्ही सर्वजण चंदू (चंद्रकांत पंडित) सर आणि गौतम यांच्यासोबत मिळून टीम केकेआरची जादू निर्माण करण्यासाठी पूर्णपणे तयार आहोत".

केकेआरची कोचिंग टीम : कोलकाता नाइट रायडर्सच्या सपोर्ट स्टाफचं नेतृत्व मुख्य प्रशिक्षक चंद्रकांत पंडित करत आहेत. त्यांच्यासोबत सहाय्यक प्रशिक्षक म्हणून अभिषेक नायर आणि जेम्स फॉस्टर, गोलंदाजी प्रशिक्षक म्हणून भरत अरुण आणि क्षेत्ररक्षण प्रशिक्षक म्हणून रायन टेन डोशेट यांची टीम आहे. २००८ केकेआर आयपीएलच्या प्रत्येक सीजनमध्ये खेळला असून, शेवटची फायनल ते २०२१ मध्ये खेळले होते.

हेही वाचा :

  1. फलंदाजांच्या 'टाईम आउट'नंतर गोलंदाजांना 'स्टॉप क्लॉक'ची राहणार धास्ती, आयसीसीचा काय आहे नवा नियम?
  2. क्रिकेट विश्वचषकात चाहत्यांनी मोडला रेकॉर्ड, जाणून घ्या किती लोकांनी स्टेडियममध्ये सामना पाहिला

TAGGED:

kolkata knight ridersगौतम गंभीरआयपीएल २०२४क्रिकेट विश्वचषक २०२३Gautam GambhirIPL 2024

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

ट्रेंडिंग

(कोणत्याही विषयावर 'क्लिक' करा)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.