हैदराबाद : सोशल मीडियामध्ये आपण आपल्या भावना सोप्या पद्धतीनं व्यक्त करण्यासाठी इमोजीचा वापर करतो. पण काही लोक पासवर्ड तयार करण्यासाठी या इमोजीचा वापर करतात. पण ही अजिबात चांगली कल्पना नाही. त्याची कारणं काय आहेत जाणून घ्या.
1. तुमचं अकाउंट लॉक केलं जाऊ शकतं : साधारणपणे काही प्लॅटफॉर्म इमोजी पासवर्डला सपोर्ट करतात. अशा परिस्थितीत तुम्ही संबंधित प्लॅटफॉर्मवर लॉग इन करू शकणार नाही. काहीवेळा तुम्ही वापरत असलेले प्लॅटफॉर्म त्यांचे पासवर्ड नियम बदलतात. अशा वेळी तुम्ही तयार केलेल्या इमोजी पासवर्डसह तुम्ही लॉग इन करू शकत नाही. सुसंगतता समस्या देखील उद्भवू शकतात.
2. तुमच्या पासवर्डचा अंदाज लावणं सोपं होतं : जगातील बहुतेक लोक सर्वात सोपा पासवर्ड तयार करत आहेत. उदाहरणार्थ, 123456, admin, password, iloveyou, 111111, 123123, abc123, qwerty, lovely, welcome असे पासवर्ड वापरले जात आहेत. यासारखे साधे पासवर्ड सायबर गुन्हेगार सहजपणे क्रॅक करू शकतात. त्याचप्रमाणे हॅकर्स इमोजी पासवर्ड सहज क्रॅक करू शकतात. कारण बरेच लोक सर्वाधिक लोकप्रिय इमोजी वापरतात.
3. क्रॉस प्लॅटफॉर्म समस्या येतील : खरं तर, सर्व इमोजी युनिकोड मानकांचं पालन करतात. त्यामुळं ते सर्व प्लॅटफॉर्मला सपोर्ट करतात. परंतु, जर तुम्ही काळजीपूर्वक पाहिले तर वेगवेगळ्या ऑपरेटिंग सिस्टममध्ये हे इमोजी वेगळे दिसतात. त्यामुळं तुमच्यासाठी योग्य इमोजी निवडणं कठीण होतं. हे तुम्हाला योग्य पासवर्ड टाकण्यापासून प्रतिबंधित करेल. शिवाय तुम्ही चुकीचा इमोजी पासवर्ड बर्‍याच वेळा टाइप केल्यास, तुम्हाला तुमचं अकाउंट पुन्हा सत्यापित करावं लागेल. कधीकधी तुमचं खातं लॉक किंवा पूर्णपणे ब्लॉक होण्याचा धोका असतो.
4. तीव्र अस्वस्थता : सुरक्षेच्या समस्येशिवाय, डेस्कटॉप आणि लॅपटॉपवर इमोजी वापरणं खूप गैरसोयीचं आहे. साधारणपणे, आम्ही स्मार्टफोनवर इमोजी अगदी सहज वापरतो. परंतु जर तुम्हाला डेस्कटॉप आणि लॅपटॉपवर इमोजी वापरायचे असतील तर तुम्हाला ViVeTool सारखे काहीतरी वापरावे लागेल. पण याद्वारे इमोजी पासवर्ड टाईप करणं अजिबात सोयीचं नाही.
5. 'शोल्डर सर्फिंग' होऊ शकतं : साधारणपणे आपण स्मार्टफोनमध्ये इमोजी वापरतो. हे स्मार्टफोन वरच्या कोपऱ्यात अलीकडे वापरलेले इमोजी प्रदर्शित करतात. त्यामुळं आपण कोणते इमोजी वापरतो हे आपल्या शेजारील लोकांना किंवा कोणी तुमच्या फोनमध्ये पाहत असेल त्यांना सहज कळू शकतं. तसंच सायबर गुन्हेगार फोनवर काही प्रकारचे स्पाय ऍप देखील स्थापित करतात आणि स्क्रीन रेकॉर्ड करतात. 'शोल्डर सर्फिंग'द्वारे वापरत असलेले इमोजी सायबर गुन्हेगार सहजपणे ओळखू शकतात. यामुळं सर्व वैयक्तिक माहिती त्यांच्या हातात पडते. त्यामुळं शक्यतो इमोजीसह पासवर्ड तयार करणं टाळा.
स्ट्रॉंग पासवर्ड कसा तयार करायचा : संख्या, अक्षरे आणि विशेष वर्ण वापरून स्ट्रॉंग पासवर्ड तयार करणं चांगलं आहे. तरच तुम्ही सुरक्षित राहाल. कारण स्ट्रॉंग पासवर्ड क्रॅक करणं इतकं सोपं नाही. अशा प्रकारे तयार केलेले स्ट्रॉंग पासवर्ड ओळखणं आपल्यासाठी कठीण आहे. म्हणूनच हे गुपचूप नोटबुकमध्ये लिहावे. किंवा तुम्ही चांगले पासवर्ड मॅनेजर ऍप्स वापरू शकता. तुम्ही मजबूत पासवर्ड तयार केला असला तरीही, द्वि-घटक प्रमाणीकरण देखील सक्षम करा. हे तुमचं खातं अधिक सुरक्षित करते.
हेही वाचा :
