युनायटेड नेशन्स: रशिया आणि युक्रेनमध्ये सुरू असलेल्या युद्धात झालेल्या जीवितहानीबद्दल चिंता व्यक्त करत भारताने म्हटले आहे की, शहरी भागातील महत्त्वाच्या नागरी जागा लढाईत सोपे लक्ष्य बनत आहेत. मंगळवारी संयुक्त राष्ट्र सुरक्षा परिषदेत ( UN Security Council ) युक्रेनच्या मुद्द्यावर भारताचे स्थायी उपप्रतिनिधी आर. रवींद्र म्हणाले, या युद्धामुळे अनेकांना आपला जीव गमवावा लागला असून विशेषत: महिला, लहान मुले आणि वृद्धांसाठी समस्या निर्माण झाल्या आहेत.
ते म्हणाले की लाखो लोक बेघर झाले आहेत आणि त्यांना शेजारच्या देशांमध्ये आश्रय घ्यावा लागला आहे. राजनैतिक आणि शांतता राखण्यासाठी उपसचिव रोझमेरी डी कार्लो यांनी परिषदेला सांगितले की, युक्रेनच्या क्रेमेनचुक शहरातील मॉलवर रशियन क्षेपणास्त्र हल्ल्यात ( Russian missile attack on Kremenchuk Mall ) 18 नागरिक ठार आणि 59 जखमी झाले. हा आकडा वाढू शकतो, असे ते म्हणाले.
रवींद्र म्हणाले, 'युक्रेनमधील परिस्थितीबाबत भारत खूप चिंतेत आहे.' परिषदेच्या या बैठकीला युक्रेनचे अध्यक्ष व्लादिमीर झेलेन्स्की ( President of Ukraine Vladimir Zhelensky ) यांनीही डिजिटल माध्यमातून संबोधित केले. फेब्रुवारीमध्ये युद्ध सुरू झाल्यानंतर झेलेन्स्की यांनी 15 सदस्यीय सुरक्षा परिषदेशी थेट संवाद साधण्याची ही दुसरी वेळ होती. रवींद्र म्हणाले, “रशिया-युक्रेन युद्धात नागरीकांच्या मृत्यूची बातमी अतिशय अस्वस्थ करणारी आहे आणि आम्ही या संदर्भात आमची चिंता व्यक्त करतो. अलिकडच्या वर्षांत, शहरी भागातील महत्त्वाच्या वास्तूंना लढाईदरम्यान सहजपणे लक्ष्य केले जात आहे.
हेही वाचा - Southwest Colombia Prison fire : कोलंबियाच्या तुरुंगात दंगलीच्या प्रयत्नात लागलेल्या आगीत 49 जणांचा मृत्यू
