वॉशिंग्टन : पंतप्रधान नरेंद्र मोदी यांचा तीन दिवसीय अमेरिका दौरा संपला आहे. शेवटच्या दिवशी पंतप्रधान मोदींनी अमेरिकेतील भारतीय समुदायाला संबोधित केले. वॉशिंग्टन डीसी येथील रोनाल्ड रीगन बिल्डिंगमध्ये भारतीय वंशाच्या नागरिकांना संबोधित करताना पंतप्रधान मोदी म्हणाले की, या तीन दिवसात भारत-अमेरिका संबंधाचा नवा प्रवास सुरू झाला आहे. भारताची क्षमता आज संपूर्ण जगाच्या विकासाला दिशा देत आहे. भारतात होत असलेल्या प्रगतीचे सर्वात मोठे कारण म्हणजे भारताचा आत्मविश्वास, भारतातील लोकांचा आत्मविश्वास. यावेळी पंतप्रधान नरेंद्र मोदी म्हणाले की, तुम्ही लोकांनी या हॉलमध्ये एक प्रकारे भारताचा संपूर्ण नकाशा तयार केला आहे. मला येथे भारताच्या कानाकोपऱ्यातील लोक दिसत आहेत. तुम्हाला पाहून मिनी इंडियाचा उदय झाल्याचे दिसत आहे. एक श्रेष्ठ भारताचे इतके सुंदर चित्र अमेरिकेत दाखवल्याबद्दल मी तुम्हा सर्वांचे मनःपूर्वक अभिनंदन करतो असेही पंतप्रधान नरेंद्र मोदी यावेळी म्हणाले.
"गेल्या 3 दिवसात सतत एकत्र राहिल्याबद्दल मी राष्ट्राध्यक्ष बिडेन यांचा आभारी आहे. अनेक विषयांवर आमची मनमोकळी चर्चा झाली. मी अनुभवावरून सांगतो की ते एक निश्चयी अनुभवी नेते आहेत." भारत-अमेरिका भागीदारी एका नवीन उंचीवर नेण्यासाठी त्यांनी वैयक्तिकरित्या खूप प्रयत्न केले आहेत आणि मी त्यांच्या प्रयत्नांचे जाहीरपणे कौतुक करतो.” - पंतप्रधान नरेंद्र मोदी
दौऱ्याचा अनुभव सांगितला : पंतप्रधान नरेंद्र मोदी यांचा तीन दिवसाचा अमेरिका दौरा संपला आहे. पंतप्रधान मोदी इजिप्तहून अमेरिकेला रवाना झाले आहेत. तत्पूर्वी, पीएम मोदींनी रोनाल्ड रीगन सेंटरमध्ये भारतीय समुदायाला संबोधित केले. भारतीय समुदायाला त्यांनी अमेरिका दौऱ्याचा अनुभव सांगितला. या तीन दिवसात भारत-अमेरिका संबंधांचा नवा प्रवास सुरू झाला आहे. हा नवा प्रवास जागतिक धोरणात्मक मुद्द्यांवर असेल. मेक इन इंडिया-मेक फॉर जगाचा हा नवा प्रवास आमच्या सहकार्याचा असणार आहे. दोन्ही देश चांगल्या मजबूत देशाच्या दिशेने पावले टाकत आहेत. लढाऊ इंजिन विमान बनवण्याचा निर्णय भारताच्या संरक्षण क्षेत्रासाठी मैलाचा दगड ठरणार असल्याचे मोदी म्हणाले.
भारतीय व्यावसायिकांना मोठा दिलासा : पंतप्रधान मोदींच्या या दौऱ्यामुळे भारतीय व्यावसायिकांना मोठा दिलासा देणारा ठरला आहे. पंतप्रधान नरेंद्र मोदी यांनी जाहीर केले की, भारतीय व्यावसायिक आता अमेरिकेतच त्यांच्या H1B व्हिसाचे नूतनीकरण करू शकतात. यावेळी मोदी म्हणाले की, रोनाल्ड रीगन सेंटरमध्ये पंतप्रधान नरेंद्र मोदी म्हणाले की, आज संपूर्ण जगाच्या नजरा भारताकडे लागल्या आहेत. तुमच्या गरजा पाहता भारत यावर्षी सिएटलमध्ये नवीन वाणिज्य दूतावास उघडणार आहे. अहमदाबाद आणि बेंगळुरूमध्येही अमेरिकेचे नवीन वाणिज्य दूतावास सुरू होणार आहेत.
हेही वाचा -
