कुनार: अफगाणिस्तानातील कुनारमध्ये रविवारी झालेल्या स्फोटात तालिबानचा एक सदस्य ठार ( Taliban member killed ) झाला असून एका नागरिकासह सहा जण जखमी झाले आहेत. टोलो न्यूजने स्थानिक सुरक्षा अधिकार्‍यांचा हवाला देताना सांगितले की, रविवारी कुनारच्या मध्यभागी असदाबाद शहरात हा स्फोट ( Big blast in Assadabad city ) झाला, जेव्हा तालिबान सैन्याच्या वाहनात लावलेल्या खदानमध्ये मोठा स्फोट झाला.
या घटनेची माहिती देताना स्थानिक सुरक्षा अधिकाऱ्यांनी सांगितले की, "कुनारच्या मध्यभागी असदाबाद येथे आज झालेल्या स्फोटात इस्लामिक अमिराती दलाचा एक सदस्य ठार झाला आणि एका नागरिकासह 6 जण जखमी झाले." याआधी शनिवारी अफगाणिस्तानातील काबूलमध्ये झालेल्या स्फोटात अनेक जण जखमी झाले होते. टोलो न्यूजने एका ट्विटमध्ये म्हटले आहे की, काबूलच्या 10 व्या जिल्ह्यातील बतखक स्क्वेअरवर हा स्फोट झाला. यावर, काबूल पोलिसांच्या प्रवक्त्याचा हवाला देत अफगाण मीडियाने सांगितले होते की, स्फोटात अनेक लोक मारले गेले आणि अनेक लोक जखमी झाले.
अफगाणिस्तानच्या स्पिन बोल्डक जिल्ह्यात आयईडी स्फोटात ( IED blast in Spin Boldak district ) पाच तालिबान सदस्य आणि एक नागरिक ठार झाल्याची घटना गुरुवारी उघडकीस आली होती. काबूल सुरक्षा विभागाने सांगितले की, सोमवारी काबूलच्या पोलीस डिस्ट्रिक्ट-4 मध्ये सायकलवर ठेवलेल्या स्फोटकांचा स्फोट झाला. टोलो न्यूजच्या वृत्तानुसार, या प्रकरणाची चौकशी करण्यासाठी सुरक्षा दलांनी परिसरात पोहोचून तपास सुरू केला. एवढेच नाही तर 25 मे रोजी बाल्ख प्रांताच्या राजधानीत तीन स्फोट झाले होते, ज्यात 9 जण ठार झाले होते, तर 15 जण जखमी झाले होते. दरम्यान, त्याच दिवशी काबूल शहरातील शरीफ हजरत झकेरिया मशिदीत झालेल्या स्फोटात किमान दोन उपासकांचा मृत्यू झाला होता.
दुसरीकडे, अफगाणिस्तानमधील महिला आणि मानवी हक्कांसाठी अमेरिकेच्या विशेष दूत रीना अमीरी ( US Special Envoy Reena Amiri ) यांनी बल्ख आणि काबूलमधील हल्ल्यांना प्रत्युत्तर देताना सांगितले की, तालिबानने लोकांच्या सुरक्षिततेची खात्री करावी आणि अत्याचार थांबवले पाहिजेत.
हेही वाचा - आयएमए ओटा अन् एनडीएमध्ये अफगाण तालिबानला प्रशिक्षण देण्याची भारताची योजना?
