मुंबई - Raj Kundra : हिंदी चित्रपटसृष्टीतील अभिनेत्री शिल्पा शेट्टीचा पती आणि उद्योगपती राज कुंद्रा 'युटी 69'मुळं चर्चेत आहे. 'युटी 69' या चित्रपटाद्वारे राज हा हिंदी चित्रपटसृष्टीत प्रवेश करत आहे. त्याचा हा चित्रपट या वर्षी नोव्हेंबरमध्ये चित्रपटगृहांमध्ये रिलीज होणार आहे. दरम्यान राजनं एका मुलाखतीत त्याच्या आयुष्यातील सर्वात वाईट टप्प्याबद्दल सांगताना म्हटलं, 'या घटनेमुळे मी खूप दु:खी झालो आहे.' पुढं त्यानं म्हटलं, 'जेव्हा मी तुरुंगात होतो, तेव्हा मी खरोखरच पूर्णपणे तुटलो होतो. कदाचित आतून सर्व काही संपत चालले होते. यावेळी माझा खूप अपमान झाला. माझ्यामुळं मीडिया माझी पत्नी, मुले आणि पालकांच्या मागे लागले होतं, हे खूप वेदनादायक होतं. बाहेर काय चालले आहे ते मला माहीत होते. पण तुम्ही काय करू शकता? मी तुम्हाला आठवण करून देतो की हा वाईट टप्पा आहे, मला सत्य माहित आहे आणि ते काय आहे एक दिवस ते बाहेर येईल.'
शिल्पा शेट्टीनं दिली राज कुंद्राला साथ : राज कुंद्रानं आपल्या पत्नीबद्दल सांगितलं की, त्यांना शिल्पा शेट्टीचा खूप पाठिंबा मिळाला. राजनं पुढं म्हटलं, 'त्या काळात मी शिल्पासोबत आठवड्यातून एकदा काही मिनिटांसाठी कॉलवर बोलायचो. मग आम्ही एकमेकांना पत्र लिहायचो. ती मला म्हणायची की राज, ही वाईट वेळ आहे, आपण प्रत्येक निर्णय घेताना सावधगिरी बाळगली पाहिजे, फक्त माझ्यावर विश्वास ठेव'. पुढं त्यानं म्हटलं की, यावेळी ती त्याच्याबद्दल खूप काळजीत होती की एकदा तिनं त्याला देशाबाहेर जाणे योग्य आहे असे सुचवले होते. पुढं राजनं सांगितलं की, 'माझी पत्नी ही पहिली व्यक्ती होती, जिनं म्हटलं की, 'तुला परदेशात रहायचे आहे का? तू लंडनमध्ये सर्व काही सोडले, तुझा जन्म तिथला आहे. मला मुंबईला राहायचे होते म्हणून तू इथे आलास, पण तुझी इच्छा असेल तर मी देश सोडायला तयार आहे'. त्यावेळी मी तिला सांगितलं की, 'माझे भारतावर प्रेम आहे आणि मी देश सोडणार नाही. लोक मोठमोठे घोटाळे करून देश सोडून जातात आणि हजारो कोटी कमावतात, पण मी काहीही केले नाही, म्हणून मी देश सोडणार नाही'.
'युटी 69' हा चित्रपट लवकरच होणार प्रदर्शित : 'युटी 69' ( UT 69) हा चित्रपट पुढील महिन्यात म्हणजेच 3 नोव्हेंबर रोजी प्रदर्शित होणार आहे. हा चित्रपट राज कुंद्राच्या 'अ‍ॅडल्ट फिल्म स्कँडल' प्रकरणी अटकेच्या कहाणीवर आधारित आहे. मिळालेल्या माहितीनुसार, या चित्रपटाद्वारे राज कुंद्रा त्यांच्यावरील सर्व आरोपांना उत्तर देताना दिसणार आहेत. या चित्रपटाबद्दल प्रेक्षक खूप आतुर आहे.
हेही वाचा :
