मुंबई - बॉलिवूड अभिनेत्री रवीना टंडन आज आपला वाढदिवस साजरा करत आहे. दिवाळीच्या धामधुमीत अभिनेत्रीने तिचा 48 वा वाढदिवस साजरा केल्याने थडानी घरातील उत्सवाचा आनंद द्विगुणीत झाला आहे. तिचा वाढदिवस खास बनवत रवीनाची मुलगी राशा थडानीने सोशल मीडियावर तिच्या आईवर प्रेमाचा वर्षाव केला.
रवीनाच्या वाढदिवशी, तिची मुलगी राशाने इंस्टाग्राम स्टोरीजवर अभिनेत्रीचा थ्रोबॅक फोटो शेअर केला. रवीनाच्या उमेदीच्या दिवसातील मोनोक्रोम फोटो शेअर करताना, राशाने लिहिले, "वाढदिवसाच्या शुभेच्छा माँ. लव्ह यू फॉरेव्हर" त्यानंतर गुलाबी हार्ट इमोजी. रवीनाची किशोरवयीन मुलगी अनेकदा तिच्यासोबतचे फोटो इंस्टाग्रामवर शेअर करत असते. राशाचे इंस्टाग्रामवर 250K पेक्षा जास्त फॉलोअर्स आहेत.
रवीनाने 2004 मध्ये अनिल थडानीशी लग्न केले. या जोडप्याला दोन मुले आहेत- राशा (जन्म 2005) आणि रणबीर (2008). लग्नापूर्वी 1995 मध्ये रवीनाने पूजा आणि छाया या दोन मुलींना दत्तक घेतले होते, जेव्हा ती फक्त 21 वर्षांची होती. दोघीही विवाहित असून त्यांना स्वतःची मुलेही आहेत.
90 च्या दशकातील चित्रपटांच्या यशामध्ये रवीनाचा मोठा वाटा होता. सध्या तिने अरण्यक या वेब सिरीजद्वारे ओटीटी पदार्पण केले. कस्तुरी डोगरा या शांत भूमिकेतील तिच्या अभिनयाचे समीक्षक आणि प्रेक्षकांनी खूप कौतुक केले आहे.
- " class="align-text-top noRightClick twitterSection" data="
">
चित्रपटाच्या आघाडीवर, रवीना आगामी कौटुंबिक मनोरंजनात्मक चित्रपट 'घुडचडी'मध्ये संजय दत्त, पार्थ समथान आणि कुशली कुमार यांच्यासोबत मुख्य भूमिकेत दिसणार आहे. हा चित्रपट बिनॉय गांधी दिग्दर्शित करत आहेत आणि टी-सीरीज आणि कीप ड्रीमिंग पिक्चर्स निर्मिती करत आहेत.
पाटणा शुक्ला या आगामी सोशल ड्रामा चित्रपटासाठी ती निर्माता अरबाज खानसोबत काम करत आहे. विवेक बुडाकोटी दिग्दर्शित हा चित्रपट या नोव्हेंबरमध्ये फ्लोरवर जाणार आहे. चित्रपटाच्या अधिकृत प्रदर्शनाची तारीख अद्याप प्रलंबित आहे. दरम्यान, रवीना अलीकडेच एका पॅन इंडिया चित्रपट KGF- Chapter 2 मध्ये दक्षिण अभिनेता यश आणि संजय दत्त यांच्यासोबत दिसली होती.
हेही वाचा - डेंग्यूतून बरा झाल्यानंतर लोकांसमोर पहिल्यांदाच आला सलमान खान
