Keemti song out: 'मिशन राणीगंज : द ग्रेट भारत रेस्क्यू'मधील अक्षय कुमार आणि परिणीती चोप्राचा रोमँटिक ट्रॅक झाला रिलीज...

मुंबई Keemti song out : बॉलीवूड अभिनेता अक्षय कुमार आणि परिणीती चोप्रा हे 'मिशन रानीगंज : द ग्रेट भारत रेस्क्यू' या चित्रपटामुळे चर्चेत आहेत. दरम्यान आता या चित्रपटामधील गाणं 'कीमती' आज 3 ऑक्टोबर रोजी रिलीज झालं. यापूर्वी 'जलसा 2.0' हे गाणं निर्मात्यांनी रिलीज केलं होतं. या गाण्याला खूप पसंती मिळाली होती. 'मिशन रानीगंज: द ग्रेट भारत रेस्क्यू' हा चित्रपट 6 ऑक्टोबर 2023 रोजी थिएटरमध्ये प्रदर्शित होणार आहे. अक्षय कुमारनं त्याच्या इंस्टाग्राम हँडलवर 'मिशन रानीगंज : द ग्रेट भारत रेस्क्यू'मधील गाण्याची पहिली झलक चाहत्यांसोबत शेअर केली आहे. या चित्रपटामध्ये अक्षयनं जसवंत सिंग गिलची भूमिका साकारली आहे, तर परिणीतीनं त्याची पत्नी निर्दोष कौर गिलची भूमिका साकारली आहे.

• View this post on Instagram

  A post shared by Akshay Kumar (@akshaykumar)

अक्षयनं केली गाण्याची झलक शेअर : अक्षय कुमारनं गाण्याची एक झलक शेअर करताना लिहिलं, 'प्रेम आणि अमूल्य, गाण्याचा व्हिडिओ आता आऊट. भारताच्या खऱ्या नायकाची कहाणी 'मिशन रानीगंज'सह 6 ऑक्टोबर रोजी सिनेमागृहात पाहा'.असं त्यानं आपल्या चाहत्यांना सांगितलं आहे. या चित्रपटाकडून अक्षयला खूप अपेक्षा आहेत. या चित्रपटामध्ये अक्षय आणि परिणीती व्यतिरिक्त कुमुद मिश्रा, दिव्येंदू भट्टाचार्य, राजेश शर्मा, पवन मल्होत्रा, वीरेंद्र सक्सेना आणि शिशिर शर्मा यांच्याही भूमिका आहेत. काही दिवसांपूर्वीच या चित्रपटाचा टीझर रिलीज करण्यात आला होता. अक्षयनं टीझर शेअर करत लिहिले की, '1989 मध्ये एका व्यक्तीनं धैर्य आणि आत्मविश्वास दाखवला ज्यामुळं अनेक जीव वाचले! 'मिशन राणीगंज'चा टीझर आता रिलीज झाला आहे'. यासह त्यानं चित्रपटाची तारीख देखील शेअर केली होती.

• " class="align-text-top noRightClick twitterSection" data="">

अक्षय कुमार आणि परिणीती चोप्राचा लूक : अक्षय कुमारनं एक फोटो शेअर केला आहे. या फोटोमध्ये तो परिणीती चोप्रासोबत दिसत आहे. या फोटोमध्ये तो पगडी लूकमध्ये दिसत आहे. अक्षयनं फोटोमध्ये पांढऱ्या टी-शर्टसह तपकिरी रंगाचे जाकीट आणि खाकी रंगाची पॅन्ट घातली आहे. याशिवाय त्यानं आपली या लूकवर दाढी वाढली आहे. या लूकमध्ये तो खूप देखणा दिसत आहे. याशिवाय परिणीतीनं हिरव्या रंगाची साडी आणि ब्लाउज घातले आहे. यावर तिनं मेकअप खूप साधा ठेवलाय. तसंच तिनं केसाचा बन बांधला आहे. यावर तिनं गजरा देखील लावला आहे. या लूकमध्ये ती खूप खास दिसत आहे. हा चित्रपट 1989 च्या राणीगंज कोलफिल्ड दुर्घटनेवर आधारित आहे.

हेही वाचा :

1. Shahid Kapoor And Kriti Sanon : शाहिद कपूर आणि क्रिती सेनॉन स्टारर चित्रपटाची रिलीज डेट आली समोर...