मुंबई - HBD Rajinikanth: रजनीकांत हे असं नाव आहे ज्याला परिचयाची गरज नाही. गेल्या पाच दशकांपासून हे नाव चर्चेत आहे. चाहते त्यांना 'सुपरस्टार' म्हणतात आणि या उपाधीला ते पूर्ण पात्र आहेत, कारण ते तरुण पिढीसाठी एक प्रेरणा आहेत. त्यांना थलाइवा देखील म्हणतात. त्यांच्या 72 व्या वाढदिवसानिमित्त, त्यांच्या शानदार कारकिर्दीवर आणि त्यांच्या अलीकडील रिलीज झालेल्या 'जेलर'च्या भूमिकेवर एक नजर टाकूयात. या चित्रपटानं त्यांना पुन्हा एकदा भारतीय चित्रपटसृष्टीचा निर्विवाद राजा असल्याचं सिद्ध केलं.
- " class="align-text-top noRightClick twitterSection" data="">
रजनीकांत उर्फ शिवाजी राव गायकवाड यांचा जन्म 12 डिसेंबर 1950 रोजी बेंगळुरू येथे झाला. ते एक दिग्गज अभिनेता, चित्रपट निर्माता आणि सांस्कृतिक प्रतीक बनले आहेत. मनोरंजन उद्योगातील त्यांच्या योगदानामुळे त्यांना सर्वात प्रभावशाली आणि प्रसिद्ध व्यक्तींपैकी एक बनवले आहे. मनोरंजन व्यवसायातील या 'रोबोट' अभिनेत्याची कारकीर्द डोळं दीपवून टाकणारी आहे. अतिशय नम्र असलेल्या रजनीकांत यांनी भारतीय चित्रपटसृष्टीवर एक अमिट छाप सोडली आहे.
- " class="align-text-top noRightClick twitterSection" data="">
रजनीकांत यांचे बालपण बंगळुरूमधील एका मराठी पोलीस हवालदाराचा मुलगा म्हणून कष्टाचे गेले. आर्थिक अडचणींमुळे, रजनीकांत यांना कुटुंबाचा उदरनिर्वाह करण्यासाठी कुली आणि बस कंडक्टरच्या ड्युटीसारख्या विचित्र नोकऱ्या कराव्या लागल्या. मात्र या संघर्षाने आणि लवचिकतेनं त्यांच्या चारित्र्याला आकार दिला, आणि ते आजचा एक दृढ निश्चयी आणि कणखर व्यक्ती बनले.
-
#jailerhistoricsuccess ❤️🙏#Jailer #thankyou #SuperStarRajinikanth𓃵 @rajinikanth sir @anirudhofficial @sunpictures https://t.co/QYVhAm88p7 pic.twitter.com/TcJdAxV9Md
— Nelson Dilipkumar (@Nelsondilpkumar) September 10, 2023 " class="align-text-top noRightClick twitterSection" data="
">#jailerhistoricsuccess ❤️🙏#Jailer #thankyou #SuperStarRajinikanth𓃵 @rajinikanth sir @anirudhofficial @sunpictures https://t.co/QYVhAm88p7 pic.twitter.com/TcJdAxV9Md
— Nelson Dilipkumar (@Nelsondilpkumar) September 10, 2023#jailerhistoricsuccess ❤️🙏#Jailer #thankyou #SuperStarRajinikanth𓃵 @rajinikanth sir @anirudhofficial @sunpictures https://t.co/QYVhAm88p7 pic.twitter.com/TcJdAxV9Md
— Nelson Dilipkumar (@Nelsondilpkumar) September 10, 2023
आपल्या कारकिर्दीच्या सुरुवातीला, रजनीकांत यांनी व्यावसायिक आणि क्लासिक अशा दोन्ही चित्रपटांवर लक्ष केंद्रित केलं. मुल्लम मलारम, अपूर्व रागांगल, थिल्लू मुल्लू, पथिनारू वयधिनिले आणि यांसारख्या इतर चित्रपटांमधील त्यांच्या भूमिकांनी त्यांच्या क्षमतेची चाचणी घेतली आणि चित्रपट उद्योगातील त्यांचे स्थान मजबूत केले. आपल्या अभिनय प्रतिभेनं त्यांनी अनेक यशस्वी चित्रपट दिले आहेत. कौटुंबिक नाट्यमय चित्रपटामुळे त्यांना मोठा चाहता वर्ग मिळण्यास मदत झाली आहे. त्याच्या ऑन-स्क्रीन व्यक्तीरेखेच्या माध्यमातून त्यांनी वास्तविक जीवनातील खरीखुरी पात्र साकारली आणि मौल्यावान संदेशही दिले. व्यावसायिक चित्रपटांना पसंती असूनही, रजनीकांत यांनी आशयावर आधारित चित्रपटांमध्ये देखील काम करणे पसंत केले.
रजनीकांतच्या गाजलेल्या चित्रपटांमध्ये श्री राघवेंद्र, चंद्रमुखी, आरिलिरिंधु अरुवथु वराई, बिल्ला, अन्नामलाई आणि इतर चित्रपटांचा समावेश आहे. रजनीकांत हे बॉक्स ऑफिसचा बादशाह आहेत आणि त्यांचे चित्रपट बॉक्स ऑफिसवर कमालीचे कमाई करतात. त्यांच्याकडे अनेक प्रांतांमध्ये अनेक बॉक्स ऑफिस रेकॉर्ड आहेत आणि त्याचा '2.0' हा आतापर्यंतचा सर्वाधिक कमाई करणारा तमिळ चित्रपट आहे. त्यांनी हे सिद्ध केलं आहे की ते कोणत्याही वेळी इंडस्ट्रीसाठी हिट चित्रपट देऊन बॉक्स ऑफिसवर धडकू शकतात. त्यांच्या अलिकडेच रिलीज झालेल्या 'जेलर' चित्रपटाने बॉक्स ऑफिसवरील पराक्रमाचेही प्रदर्शन केलं होतं.
रजनीकांत यांची स्टार पॉवर अतुलनीय आहे आणि त्यांच्या अनेक दशकांच्या वर्चस्वामुळे अभिनय क्षेत्रात त्यांना एक उंची प्राप्त झाली आहे. वयामुळेही त्यांचे चित्रपटाचे यश किंवा त्याच्या चाहत्यांमधील लोकप्रियता कमी झालेली नाही हे 2023 च्या रिलीज झालेल्या 'जेलर'मधून स्पष्ट होते. या चित्रपटाने 600 कोटींहून अधिक कमाई करत तमिळ सिनेमाचा लँडस्केपच बदलून टाकला.
यासह रजनीकांत हे एकमेव दक्षिण भारतीय अभिनेता ठरले होते ज्यांच्या दोन तमिळ चित्रपटांनी 500 कोटींहून अधिक कमाई केली आहे. रजनीकांत या वयातही मुख्य प्रवाहातील नायकाची भूमिका खात्रीपूर्वक करू शकतात आणि इतकेच नाही तर चित्रपटाची जबाबदारीही घेतात आणि स्वत: विक्रम प्रस्थापित करतात. 10 ऑगस्ट रोजी रिलीज झाल्यापासून 'जेलर'ने बॉक्स ऑफिसवर अनेक विक्रम मोडीत काढले आणि रजनीकांतच्या सर्वाधिक कमाई करणाऱ्या चित्रपटांपैकी एक म्हणून त्याचे स्थान निश्चित केले.
'जेलर'ने तमिळनाडूमधील सर्वकालीन नंबर-वन तमिळ चित्रपट होण्याचा विक्रम केला आहे. चित्रपटानं तामिळनाडू राज्यात प्रचंड लोकप्रियता मिळवली. शिवाय, आंध्र प्रदेश आणि तेलंगणा या तेलुगू भाषिक राज्यांमधील तमिळ चित्रपटांमध्ये तो दुसऱ्या क्रमांकावर होता. चित्रपटाची लोकप्रियता राज्यांच्या सीमेच्या पलीकडे आहे, कारण 'जेलर' केरळ आणि कर्नाटकमध्ये सर्वकालीन नंबर-वन चित्रपट ठरला होता. या लोकप्रियतेमुळे रजनीकांत यांच्या पॅन-इंडियन स्टारडमची खात्री पटते.
'जेलर'ने जगभरातील विविध देशांमध्ये देखील लहरी निर्माण केल्या आहेत. हा उत्तर अमेरिकेतील सर्वकालीन नंबर वन तमिळ चित्रपट ठरला आहे आणि युनायटेड किंगडममधील सर्वकालीन आवडता तमिळ चित्रपट देखील बनला आहे. आखाती प्रदेशांनी चित्रपटाला पसंती दिली, त्यामुळे तो तेथील सर्वकालीन नंबर वन दक्षिण भारतीय भाषेतील चित्रपट बनला. 'जेलर' हा मलेशिया आणि ऑस्ट्रेलियामध्ये दुसरा सर्वाधिक कमाई करणारा भारतीय चित्रपट ठरला आहे आणि सिंगापूर आणि फ्रान्समध्ये तिसरा सर्वाधिक कमाई करणारा तमिळ चित्रपट आहे.
सौदी अरेबियानेही 'जेलर'चे यश ओळखले असून, या देशात सर्वाधिक कमाई करणारा हा दुसरा भारतीय चित्रपट आहे. शिवाय, 'जेलर' हा आंतरराष्ट्रीय मार्केटमध्ये सर्वाधिक कमाई करणारा तमिळ चित्रपट आहे आणि जागतिक स्तरावर 600 कोटींचा सर्वात जलद टप्पा ओलांडणारा हा दुसरा तमिळ चित्रपट आहे. यापूर्वी 2018 मध्ये प्रदर्शित झालेल्या रजनीकांत यांच्या '2.0' चित्रपटाने ही मजल मारली होती.
'जेलर' चित्रपटासाठी रजनीकांत यांनी 210 कोटी रुपये फी घेतली होती. अशा प्रकारे भारतातील सर्वाधिक मानधन घेणारा अभिनेता म्हणून देखील रजनीकांत यांचा विशेष उल्लेख करावा लागतो. रिपोर्ट्सनुसार, रजनीकांतला जेलर चित्रपटात मुथुवेल पांडियनची भूमिका करण्यासाठी 210 कोटी रुपये आणि त्यासाठी अतिरिक्त 100 कोटी रुपये देण्यात आले होते.
हेही वाचा -
1. रणदीप हुड्डा आणि लिन लैशरामच्या वेडिंग रिसेप्शनचे फोटो झाले व्हायरल
2. लग्नाचा दुसरा वाढदिवस साजरा केल्यानंतर कॅटरिना कैफ मुंबई विमातळावर झाली स्पॉट
3. 'अ‍ॅनिमल'मधील काश्मीर गाण्याच्या आठवणीत रमली रश्मिका मंदान्ना
