मुंबई - Farhan Akhtar birthday : हिंदी चित्रपटसृष्टीतील अभिनेता आणि चित्रपट निर्माता फरहान अख्तरनं 9 जानेवारी रोजी आपला 50वा वाढदिवस साजरा केला. घरी साजरा करण्यात आलेल्या त्याच्या वाढदिवसाला शबाना आझमी, जावेद अख्तर, हनी इराणी, शिबानी दांडेकर आणि इतर कुटुंबीय हजर होते. दरम्यान त्याच्या वाढदिवसाच्या सेलिब्रेशनचे फोटो सोशल मीडियावर शबाना आझमीनं शेअर करत एक खास पोस्ट त्याच्यासाठी लिहिली आहे. या पोस्टवर तिनं लिहिलं, ''हॅपी एनिवर्सरी बेटू फरहान, दीर्घायुष्य जग आणि आनंदी रहा, भरपूर प्रेम.'' ही पोस्ट शेअर केल्यानंतर लगेचच गायिका आणि अभिनेत्री इला अरुणनं 'हॅपी बर्थडे फरहान'अशी कमेंट केली.
फरहान अख्तरचा वाढदिवस : शबाना आझमीच्या या पोस्टवर अनेकजण कमेंट करत आहेत. एका चाहत्यानं या पोस्टवर कमेंट करत लिहिलं, फरहान तुला वाढदिवसाच्या खूप खूप शुभेच्छा असाचं आनंदी राहा.'' दुसऱ्या एकानं लिहिलं, फरहान तू जबरदस्त आहे हे तुला माहित आहे, तुला वाढदिवसाच्या शुभेच्छा.'' आणखी एकानं लिहिलं, वाढदिवसाच्या शुभेच्छा तू खूप हुशार व्यक्ती आहे हे सर्वांना माहित आहे, असाच प्रगती करत राहा.'' अशा अनेक कमेंट या पोस्टवर येत आहेत. याशिवाय काहीजण या पोस्टवर फायर आणि हार्ट इमोजी पोस्ट करत त्याच्यावर प्रेमाचा वर्षाव करताना दिसत आहेत.
शबाना फरहान, झोया आणि शिबानी यांच्याशी घट्ट नाते आहे. अनेकदा ते एकत्र वेळ घालवताना दिसतात. याशिवाय काही वेळा हनी इराणी यांच्यात सामील होताना दिसते. जावेद अख्तरचा पहिला विवाह हा बाल कलाकार आणि लेखिका हनी इराणीशी झाला होता. जावेद आणि हनी हे दिग्दर्शक फरहान अख्तर आणि झोया अख्तर यांचे पालक आहेत. दोघांचा घटस्फोट 1978मध्ये झाला. त्यानंतर जावेद अख्तर यांनी 1984 मध्ये शबाना आझमीशी लग्न केलं. दरम्यान फरहान अख्तरनं 2001 मध्ये 'दिल चाहता है' या चित्रपटातून दिग्दर्शनात पदार्पण केलं. त्यानंतर त्यानं 'रॉक ऑन' (2008 )मधून अभिनय क्षेत्रात पदार्पण केलं. फरहाननं ' भाग मिल्खा भाग', आणि 'जिंदगी ना मिलेगी दोबारा' सारख्या अनेक हिट चित्रपटांमध्ये देखील काम केलं आहे. तो सध्या 'जी ले जरा' या चित्रपटाद्वारे दिग्दर्शनाकडे परतण्याच्या तयारीत आहे.
हेही वाचा :
