मुंबई - Bipasha Basu Birthday: अभिनेत्री बिपाशा बसू आज 7 जानेवारी रोजी तिचा 45 वाढदिवस साजरा करत आहे. या खास प्रसंगी अनेक चाहते तिला वाढदिवसाच्या शुभेच्छा देताना दिसत आहेत. दरम्यान बिपाशानं देखील सोशल मीडियावर एक सुंदर अशी नोट लिहिलं आहे. याशिवाय बिपाशाचा पती करण सिंग ग्रोवरनं देखील या विशेष प्रसंगी तिला वाढदिवसाच्या शुभेच्छा दिल्या आहेत. बिपाशा बसू सध्या तिची पहिली मुलगी देवी आणि पती करण सिंग ग्रोव्हरसोबत पालकत्वाचा आनंद घेत आहे. बिपाशा नेहमीच सोशल मीडियावर सुंदर फोटो शेअर करत असते. दरम्यान आता तिनं एक पोस्ट शेअर केली आहे, ज्यामध्ये बिपाशा पती करणसह देवीसोबत एका सुंदर समुद्राच्या किनाऱ्यावर असलेल्या तलावाच्या आत बसून एजॉय करताना दिसत आहेत.
बिपाशा बसूचा वाढदिवस : फोटोत बिपाशानं मुलीला आपल्या कडेवर पकडले आहे. याशिवाय करण सिंग ग्रोव्हरनं न पाहिलेले फोटोसह एक सुंदर अशी नोट लिहिली आहे. या फोटो बिपाशा समुद्रकिनाऱ्यावर वाळूवर मुलगी देवीसह उभी आहे. हा फोटो शेअर करताना त्यानं लिहिलं, ''गोड लहान बाळा बंबी राजकुमारी पाई तुला वाढदिवसाच्या खूप खूप खूप शुभेच्छा!. तू नेहमीच तेजस्वी प्रकाशाप्रमाणे आहेस, तुझे सर्वात सुंदर स्मित हास्य आहेस, मी सदैव तुमच्या सोबत असेन. माझे तुझ्यावर खूप प्रेम आहे. वाढदिवसाच्या शुभेच्छा.'' बिपाशानं लगेचच त्याच्या सुंदर पोस्टवर कमेंट करत लिहिलं, ''माझ्यावर प्रेम केल्याबद्दल आणि कायमचे माझे राहिल्याबद्दल धन्यवाद, तू माझा आहेस आणि नेहमीच माझीच राहशील.''
करण आणि बिपाशाचं लग्न : करण आगामी 'फाइटर' या चित्रपटात दिसणार आहे, ज्यात हृतिक रोशन, दीपिका पदुकोण, अनिल कपूर यांच्या भूमिका आहेत. हा चित्रपट 25 जानेवारीला रुपेरी पडद्यावर प्रदर्शित होणार आहे. या चित्रपटाकडून करणला खूप अपेक्षा आहेत. कारण बऱ्याचं दिवसानंतर मोठ्या बजेटच्या चित्रपटामध्ये दिसला आहे. दरम्यान या जोडप्याच्या लग्नाबद्दल बोलायचं झालं तर 2015 मध्ये रिलीज झालेल्या 'अलोन'मध्ये एकत्र काम केल्यानंतर करण आणि बिपाशा एकमेकांनाच्या प्रेमात पडले. या जोडप्यानं 2016 मध्ये लग्न केलं यानंतर नोव्हेंबर 2022 मध्ये ते एका मुलीचे पालक झाले आणि तिचे नाव त्यांनी देवी ठेवलं.
हेही वाचा :
