मुंबई - मनोज बाजपेयीची मुख्य भूमिका असलेल्या कोर्टरूम ड्रामा 'सिर्फ एक बंदा काफी है' चित्रपटाचा ट्रेलर रिलीज झाला आहे. या चित्रपटाची कथा दीपक किंगराणी यांनी लिहिले आहे. ही कथा एका सामान्य व्यक्ती असलेल्या उच्च न्यायालयातील वकिलाची आहे. हा वकिल पोस्को ( POCSO ) कायद्यांतर्गत अल्पवयीन मुलीवर झालेल्या बलात्काराचा एक विलक्षण खटला एकट्याने लढवतो.
ट्रेलरची लिंक शेअर करताना मनोज बाजपेयीने इंस्टाग्रामवर लिहिले की, 'एक सामान्य माणूस. एक देव माणूस आणि एक असाधारण केस. सिर्फ एक बंदा काफी है प्रीमियर 23 मे रोजी झी ५ वर होणार. देशाचे लक्ष वेधून घेतलेल्या खटल्याचा साक्षीदार व्हा.'
- " class="align-text-top noRightClick twitterSection" data="
">
'सिर्फ एक बंदा काफी है मधील पी.सी. सोलंकीची भूमिका साकारणे हा एक अविश्वसनीय अनुभव होता. त्याचे कारण असे की, ही एका सामान्य माणसाची प्रेरणादायी कथा आहे ज्याने सत्य आणि न्यायासाठी सर्व अडचणींविरुद्ध विलक्षण खटला लढला. आज ट्रेलर प्रदर्शित झाल्यानंतर मला आशा आहे की ही कथा प्रेक्षकांना आवाहन करते आहे आणि विजयाच्या या कथेचे साक्षीदार होण्यास भाग पाडते'. असे मनोज वाजपेयीने सांगितले.
दिग्दर्शक अपूर्व सिंग कार्की यांनीही या चित्रपटाची माहिती शेअर केली. 'सिर्फ एक बंदा काफी है हा चित्रपट माझ्या हृदयासाठी नेहमीच खास असेल कारण तो इंडस्ट्रीतील माझा पहिला दिग्दर्शनाचा पदार्पणाचा चित्रपट आहे आणि मनोज बाजपेयी यांच्यासोबत मुख्य अभिनेता म्हणून काम करण्यात मला सर्वात जास्त आनंद झाला. मला वाटते की मनोज सरांचा यातील अभिनय हा उत्कृष्ट अभिनयांपैकी एक आहे आणि एका सामान्य माणसाचा असाधारण लढा त्यांनी ज्या प्रकारे चित्रित केला आहे ते प्रदीर्घ काळ स्मरणात राहील. सुपर्ण सर आणि विनोद सरांच्या माझ्यावर असलेल्या विश्वासामुळेच मला या कठीण नाट्याला आकार देण्याचा आत्मविश्वास मिळाला.,' असे तो म्हणाला.
निर्माते विनोद भानुशाली म्हणाले, 'एक कोर्टरूम ड्रामा जो तुम्हाला लोकांच्या विश्वासावर प्रश्नचिन्ह निर्माण करतो आणि योग्य-अयोग्य काय असा प्रश्न पडतो. एका चिमुरडीचे धाडस आणि पी.सी. सोळंकी यांनी न्याय मिळवून देण्यासाठी दिलेला अविचल लढा आहे.'
हेही वाचा - Rajinikanths First Look : 'लाल सलाम'मधील रजनीकांतचा फर्स्ट लूक लॉन्च, इंटरनेटवर संमिश्र प्रतिसाद
