Thane Crime : जुगारी बापाने घेतला आपल्याच मुलीचा जीव

मुंब्रा येथील बाबे कॉलोनी मधील अर्शद मंजिल या इमारतीत शोफिया मालदार, आपला पती अनिस आणि सात वर्षीय मुलगी मायरा हिच्यासोबत रहात होती. अनिस हा काहीही काम करत नव्हता व त्याला जुगाराचे देखील व्यसन होते.

ठाणे : पत्नीसोबत झालेल्या भांडणाने चिडलेल्या पतीने रागाच्या भरात आपल्याच लहानग्या मुलीचा गळा दाबून हत्या केल्याच्या घटनेने मुंब्रा परिसरात खळबळ उडाली आहे. मुलीला मारून स्वतः देखील विष प्राशन करून आरोपीने पोलिसांना फोन करून सर्व हकीकत सांगितली.

मुंब्रा येथील बाबे कॉलोनी मधील अर्शद मंजिल या इमारतीत शोफिया मालदार, आपला पती अनिस आणि सात वर्षीय मुलगी मायरा हिच्यासोबत रहात होती. अनिस हा काहीही काम करत नव्हता व त्याला जुगाराचे देखील व्यसन होते. शोफिया स्वतः नोकरी करून घर चालवत होती व अनिस याच्या जुगाराच्या व्यसनाला कंटाळून लेक मायरा सह तिने वेगळे होण्याची मागणी केली होती. याने चिडलेल्या अनिस याने रागाच्या भरात रात्री आपल्या निष्पाप मुलीला घेऊन मुंब्रा बायपास गाठले. व तिथेच तिचा गळा दाबून हत्या केली. त्यानंतर अनिस याने स्वतः देखील विष पिऊन आत्महत्या करण्याचा प्रयत्न केला. अनिस याने 100 नंबरवर फोन करून पोलिसाना याची माहिती दिली. मुंब्रा पोलिसांनी तातडीने घटनास्थळी धाव घेत मुलीचे शव शवविच्छेदननासाठी पाठविले असून अनिस याला मुंबई येथील जेजे रुग्णालयात दाखल करण्यात आले आहे. अनिस याच्यावर खुनाचा गुन्हा दाखल केला गेला आहे.

हेही वाचा - Aurangabad Crime - प्रेमविवाह केल्याने भावाने केली बहिणीची हत्या