पणजी (गोवा) - कोरोनाच्या तीसऱ्या लाटेसाठी गोवा सरकारने पायाभूत सुविधा उभ्या केल्या आहेत, तर बालरोग तज्ज्ञांना ऑल इंडिया इन्स्टिट्यूट ऑफ मेडिकल सायन्सेसने ठरवलेल्या ट्रिटमेंट प्रोटोकॉलचे पालन करण्याचे प्रशिक्षण दिले जात आहे. आतापर्यंत गोव्यात कोरोनाने संक्रमित झालेल्यांपैकी ११ टक्के लोकं हे १७ वर्षांखालील मुले आहेत, अशी माहिती गोव्याचे मुख्यमंत्री डॉ. प्रमोद सावंत यांनी दिली.
हेही वाचा - अमरावती : रेमडेसिवीर काळाबाजार प्रकरणी चार जणांना पोलीस कोठडी; दोघे फरार
तीसऱ्या लाटेला तोंड देण्यासाठी पायाभूत सुविधा तयार
मुख्यमंत्री प्रमोद सावंत यांनी आज आपल्या निवासस्थानी घेतलेल्या पत्रकार परिषदेत सांगितले की, ५ ते १० जून दरम्यान तीसऱ्या लाटेला तोंड देण्यासाठी डॉकटर आणि इतर लोकांचे प्रशिक्षण पूर्ण केले जाईल, तर पायाभूत सुविधा तयार आहेत. सावंत म्हणाले की, कोरोनाने संक्रमित मुलांवर उपचार करण्यासाठी खासगी आणि सरकारी क्षेत्रासाठी सामान्य एसओपी तयार केली गेली आहे. गोवा मेडिकल कॉलेज आणि रुग्णालयातील बालरोगशास्त्र विभाग, बालरोग तज्ज्ञांना एसओपी विषयी प्रशिक्षण देणार आहे, अशी शिफारस एम्सने केली आहे.
समुपदेशकही तयार केले जात आहेत
सावंत म्हणाले की, तीसऱ्या लाटेला तोंड देण्यासाठी समुपदेशकही तयार केले जात आहेत. राज्य शिक्षण विभाग, गोवा राज्य एड्स नियंत्रण सोसायटी आणि महिला व बालकल्याण विभागातील लोक सल्लागार तयार केले जातील. त्यांना प्रशिक्षण देण्याचे कामही सध्या सुरू आहे. मुख्यमंत्र्यांनी सांगितले की, कोविड संक्रमित असलेल्या ज्या मुलांना गृह अलगीकरणात ठेवले जाईल, त्या मुलांचे कडक निरीक्षण केले जाईल.
स्तनपान देणाऱ्या मातांना लसीकरणात प्राधान्य
राज्य सरकारने स्तनपान देणाऱ्या मातांना ज्यांची मुले दोन वर्षांपेक्षा कमी वयाची आहेत, शिवाय ज्या मातांना अन्य आजार आहेत, अशांना लसीकरण करण्याचा निर्णय घेतला आहे. या मातांना लसीकरण देणे ही प्राथमिकता असेल आणि त्यासाठी राज्य सरकारने 45 वर्षांपेक्षा जास्त वयाच्या लोकांना लसी देण्याच्या उद्देशाने लस खासगी मार्गाने खरेदी करण्याच्याही तयारीत आहे.
दोन वेगवेगळ्या लसी उत्पादक कंपन्यांकडे लस मिळविण्यासही संपर्क
मुख्यमंत्री म्हणाले, पहिल्या फेरीनंतर १८-४४ वयोगटातील लोकांसाठी फक्त ६ हजार लस राज्य सरकारकडे शिल्लक आहेत. ३६ हजार लसींपैकी दुसरी लस जूनच्या पहिल्या महिन्यात येणार आहे. तर, आमच्याकडे ४४ वर्षांवरील नागरिकांसाठी २ लाख ८० हजार डोस उपलब्ध आहेत, असेही त्यांनी सांगितले. मुख्यमंत्री म्हणाले की, राज्य सरकारने दोन वेगवेगळ्या लस उत्पादक कंपन्यांकडे अनुक्रमे ५ लाख आणि १० लाख लस मिळविण्यासही संपर्क साधला आहे.
संक्रमित लोकसंख्येपैकी ११ टक्के हे १७ वर्षांखालील
मुख्यमंत्री सावंत म्हणाले की, संक्रमित लोकसंख्येपैकी ११ टक्के हे १७ वर्षांखालील आहेत. कोरोनाची बाधा झालेल्या १ लाख ४३ हजार १९२ लोकांपैकी १६ हजार २४६ हे १७ वर्षांखालील मुले आहेत. तर, १८ वर्षांखालील सात रुग्ण कोरोना संक्रमणास बळी पडले असून, सर्वांनाच मानसिक आजार होते.
हेही वाचा - अमरावती : ऑक्सिजन पातळी 45 वर तरीही महिलेने केली कोरोनावर मात
