मुंबई - शरद क्रीडा व सांस्कृतिक प्रतिष्ठान यांच्यातर्फे कारागृहामध्ये अभंग आणि भजन स्पर्धेचे आयोजन करण्यात येणार आहे. मात्र, या अभंगात स्पर्धेचे वैशिष्ट्य असणार आहे की, ही स्पर्धा राज्यातील 27 कारागृहामध्ये पार पडणार असून या स्पर्धेमध्ये या कारागृहातील कैदी सहभाग घेणार आहेत. कारागृहात होणाऱ्या या अभंग व भजन स्पर्धेचे उद्घाटन राज्याचे उपमुख्यमंत्री अजित पवार ( Deputy Chief Minister Ajit Pawar ) आणि गृहमंत्री दिलीप वळसे पाटील ( Home Minister Dilip Walse Patil ) यांच्या हस्ते पार पडले.
राष्ट्रवादी काँग्रेसच्या प्रदेश कार्यालयात गुरुवारी (दि. 19 मे) या भजन आणि अभंग स्पर्धेचा झेंडा उपमुख्यमंत्री अजित पवार यांनी फडकवला. या स्पर्धेत विजयी होणाऱ्या तीन स्पर्धकांना करंडक देऊन त्यांचा सन्मानही करण्यात येणार आहे. राष्ट्रवादी काँग्रेसच्या प्रदेश कार्यालयात यावेळी स्पर्धा भरवणारे शरद क्रीडा आणि सांस्कृतिक प्रतिष्ठानकडून भजनी मंडळीही आले होते. या भजनी मंडळींच्या टाळ आणि मृदुंगाच्या मंत्रमुग्ध करणाऱ्या सुरात या उपक्रमाची सुरुवात गृहमंत्री आणि उपमुख्यमंत्री यांच्या हस्ते झाली.
या कालावधीत स्पर्धा - 21 मे ते 30 जून या कालावधीत जिल्ह्यातील 27 कारागृहात ही स्पर्धा पार पडणार आहे. याबाबत उपमुख्यमंत्री अजित पवार म्हणाले, या उपक्रमामुळे कारागृहात वातावरणही बदलणार आहे. या कौतुकास्पद उपक्रमाबाबत उपमुख्यमंत्र्यांनी गृहविभागाचेही अभिनंदन केले. कारागृहातील कैदी है अपराधी असले तरी ती आपलीच लोक आहेत. क्षणिक रागाच्या भरात अनेकवेळा त्यांच्याकडून अपराध होत असतात. मात्र, समाजानेही त्यांना सुधारण्याची एक संधी दिली पाहिजे. त्यामुळे या स्पर्धेच्या माध्यमातून संत महात्म्यांची उजळणी या कैद्यांना होईल, अशी आशा उपमुख्यमंत्र्यांनी यावेळी प्रसारमाध्यमांशी संवाद साधताना व्यक्त केली.
हेही वाचा - OBC Reservation : मध्यप्रदेशच्या धर्तीवर ओबीसी आरक्षणाची मागणी सर्वोच्च न्यायालयात करणार : अजित पवार
