रियाद - जगातील सर्वात कट्टर मुस्लिम देश समजला जाणारा सऊदी अरब देश आपला प्रतिमा बदलण्यासाठी आतूर आहे. क्राउन प्रिंस मोहम्मद बिन सलमान यांच्या सत्ताकाळात हा देश सनातनी व धार्मिक रुढीवादी साम्राज्यातून बाहेर पडत आहे. मागील काही वर्षात तेथील सरकारने अनेक पुरोगामी निर्णय घेतले आहेत. यात आता रेव्ह पार्टी (Rave Party) आणि म्यूजिक फेस्टिवल आयोजनाच्या निर्णयाची भर पडली आहे. यामध्ये पुरुषांप्रमाणेच महिलांनीही पाश्चिमात्य वेशभूषेत सहभाग घेतला. सौदी सरकार असा निर्णय घेऊ शकते याची पाच वर्षापूर्वी कोणी कल्पनाही केली नसेल.
मीडिया रिपोर्टसनुसार सोदी सरकारच्या आदेशानुसार एमडीएल बीस्ट साउंडस्टॉर्म (MDLBEAST Soundstorm) नावाचा या चार दिवसीय म्यूजिकल फेस्टिवल आयोजित करण्यात आला होता. पार्टी सामिल लोक संगीताच्या धुन वर असे थिरकले जसे ते इस्लामिक देश सौदी अरबचे नागरिक नव्हे तर यूरोपमधील आहेत. पार्टीमध्ये टिएस्टो आणि आर्मिन वैन बुरेन सारख्या प्रसिद्ध डीजे यांनीही उपस्थिती लागली होती. आयोजकांचे म्हणणे आहे, की या पार्टीत 180,000 हून अधिक लोक सामील झाले होते.
या संपूर्ण फेस्टीव्हलमध्ये धार्मिक मान्यतांचेही पालन केले गेले. या पार्टीच्या दरम्यान काही वेळासाठी संगीत बंद केले गेले त्यावेळी यामध्ये सामील लोकांनी इस्लामिक पद्धतीने नमाज अदा केली. त्यानंतर परिसर पुन्हा एकदा कर्णकर्कश आवाजाने दुमदुमला. पार्टीमध्ये सामील शाही परिवारातील सदस्य प्रिंस फहद अल सऊद यांनी म्हटले की, आम्ही आता आंतरराष्ट्रीय समुहाचा हिस्सा बनण्यासाठी खूप उत्सूक आहोत. जेव्हा आम्ही विकास करण्याचा प्रयत्न करतो तेव्हा आम्हाला दाबले जाते.
मागील काही काळापासून क्राउन प्रिंस मोहम्मद बिन सलमान यांनी अनेक सुधारणा लागू करताना महिलांच्या ड्राइविंगवर असणारा प्रतिबंध हटवला. त्याचबरोबर धार्मिक पोलिसांचे अधिकारही कमी केले गेले, जे संगीत वाजवणाऱ्या रेस्टॉरंटवर दंड आकारण्यासाठी रस्त्यांवर फिरत होती. त्याचबरोबर लैंगिक भेदभाव कमी करण्यासाठी कायदा बनवला गेला. सांगितले जात आहे, की सौदी आता तेलावर अवलंबून असणारी इकॉनॉमी कमी करण्यासाठी प्रयत्न करत आहे. त्यामुळे हा देश पर्यटनाला प्रोत्साहन देत आहे.
काय असेत रेव्ह पार्टी
रेव्ह याचा अर्थ आहे मौज-मस्तीने भरलेली नशिली पार्टी, हाई वोल्टेज संगीतावर थिरकणाऱ्या लोकांना 'रैवर्स' म्हटले जाते. ही पार्टी श्रीमंतांमध्ये लोकप्रिय है. भारत व जगातील अनेक देशांमध्ये रेव्ह पार्टी खुलेआम करता येत नाही. कारण यामध्ये नशा केली जाते. रेव्ह संस्कृतीने लंडनमध्ये पहिल्यांदा 1950 मध्ये जोर पकडला होता. अशा पार्टया रिकामे गोदाम, फॉर्म हाउस आणि अंडरग्राउंड वेयरहाउसमध्ये होतात. 1980 च्या दशकात अमेरिकी तरुणांमध्ये रेव्ह पार्टी लोकप्रिय झाली.
