ETV Bharat / bharat

Cyclone Biparjoy : बिपरजॉय वादळामुळे गुजरात राजस्थानमध्ये अतोनात नुकसान, NDRF ने वाचवले अनेकांचे जीव

author img

By

Published : Jun 16, 2023, 4:04 PM IST

CYCLONE BIPARJOY NDRF RELIEF WORKS
चक्रीवादळ बिपरजॉय एनडीआरएफ मदत कार्ये

बिपरजॉय चक्रीवादळाच्या तडाख्याने गुजरातमध्ये अनेक ठिकाणी विजेचे खांब आणि झाडे उन्मळून पडली आहेत. सध्या अनेक ठिकाणी रस्ते बंद आहेत. एनडीआरएफची टीम सतत ऑपरेशनमध्ये गुंतलेली असून रस्ता मोकळा करण्याचे काम सुरु आहे.

अहमदाबाद/मोरबी/कच्छ : बिपरजॉय चक्रीवादळ गुजरातच्या किनारपट्टीला धडकले आहे. हवामान खात्याच्या अंदाजानुसार, वादळाचा प्रभाव अजून 24 तास कायम राहण्याची शक्यता आहे. सध्या उत्तर गुजरातच्या जिल्ह्यांमध्ये जोरदार पाऊस पडत आहे. वादळामुळे अनेक जिल्ह्यांमध्ये मोठे नुकसान झाले आहे.

  • #WATCH | Gujarat: NDRF Personnel conduct road clearance operation in Naliya after cyclone 'Biparjoy' made landfall along the Gujarat coast yesterday. pic.twitter.com/etMkpOKhsK

    — ANI (@ANI) June 16, 2023 " class="align-text-top noRightClick twitterSection" data=" ">

NDRF चे पथक कार्यरत : एनडीआरएफच्या 6 पथकांनी मांडवीच्या बागडीबाग परिसरातून पाच ते सहा जणांना सुरक्षित स्थळी हलवले. यामध्ये लहान मुलांचाही समावेश आहे. चक्रीवादळ आल्यानंतर कच्छ जिल्ह्यात सतत मुसळधार पाऊस पडत आहे. मदत आयुक्त आलोक कुमार पांडे यांनी भूस्खलनानंतर विविध जिल्ह्यांतील परिस्थितीची सविस्तर माहिती दिली. ते म्हणाले की, सर्वात जास्त नुकसान पीजीव्हीसीएल विभागाचे झाले आहे. अनेक जिल्ह्यांत विजेचे खांब पडले आहेत. बाधित जिल्ह्यांच्या जिल्हाधिकाऱ्यांसोबत व्हिडिओ कॉन्फरन्स घेण्यात आली. ज्यामध्ये त्या जिल्ह्यातील नुकसानीचा प्राथमिक अहवाल तयार करण्याच्या सूचना देण्यात आल्या आहेत. अनेकांचे जीव वाचवण्यात एनडीआरएफ कार्यरत आहे.

  • #WATCH | Earthmoving machine being used to clear uprooted trees in Mandvi as rainfall continues to lash the coastal town in Kachchh district of Gujarat pic.twitter.com/9pGODNYulC

    — ANI (@ANI) June 16, 2023 " class="align-text-top noRightClick twitterSection" data=" ">

किती नुकसान? : गुजरातच्या किनारी भागातील 4600 ग्रामीण भागाचा संपर्क अद्यापही तुटलेलाच आहे. तर 3500 हून अधिक ग्रामीण भागात वीजपुरवठा पूर्ववत करण्यात आला आहे. 20 कच्ची घरे, 20 झोपड्या पूर्णपणे उद्ध्वस्त झाल्या आहेत. वादळग्रस्त भागाचे सर्वेक्षण करण्याचे आदेश देण्यात आले आहेत. बाधित जिल्ह्यांमध्ये सर्वेक्षणाचे काम अद्याप सुरू झालेले नाही. चक्रीवादळानंतर गुजरातचे आरोग्य मंत्री ऋषिकेश पटेल यांनी माहिती दिली की, कच्छ जिल्ह्यात अद्याप कोणतीही जीवितहानी झालेली नाही. मात्र 1 लाखाहून अधिक लोक विस्थापित झाले आहेत.

  • #WATCH | NDRF team rescues two stranded people from the low-lying areas of Rupen Bandar in Dwarka district after cyclone 'Biparjoy' made landfall along the Gujarat coast yesterday.

    (Video Source: NDRF) pic.twitter.com/OdfDqpjTlN

    — ANI (@ANI) June 16, 2023 " class="align-text-top noRightClick twitterSection" data=" ">

अनेक ठिकाणी वीजपुरवठा खंडीत : सध्या मुंद्रा, जठुआ, कोटेश्वर, लखफट, नलिया येथे सोसाट्याच्या वाऱ्यासह पाऊस पडत आहे. वादळामुळे दक्षिण राजस्थानच्या काही भागातही पाऊस झाला आहे. किनारी जिल्ह्यांतील अनेक भागात रस्ते साफसफाईचे काम सुरू आहे. विजेचे खांब कोसळण्याच्या 5120 घटना समोर आल्या आहेत. त्यापैकी 1320 विजेचे खांब आतापर्यंत पूर्ववत करण्यात आले आहेत. वादळामुळे बाधित झालेल्या 263 रस्त्यांपैकी 260 रस्ते खुले करण्यात आले आहेत. याशिवाय आतापर्यंत 4629 गावांतील वीज खंडित झाली असून, त्यापैकी 3580 गावांमध्ये वीजपुरवठा पूर्ववत झाला आहे.

हेही वाचा :

  1. Cyclon Biparjoy: बिपरजॉय चक्रीवादळ सरकले राजस्थानकडे; पश्चिम राजस्थानला हाय अलर्ट, मुख्यमंत्र्यांनी घेतला आढावा
  2. Cyclone Biparjoy : बिपरजॉय चक्रीवादळाने मुंबईतील समुद्र खवळला.. लाटांनी घेतले रौद्ररुप

TAGGED:

Cyclone BiparjoyCYCLONE BIPARJOY LANDFALL IMPACTCyclone Biparjoy LIVE UPDATESCYCLONE BIPARJOY NDRF RELIEF WORKSBiparjoyबिपरजॉय

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

विश्लेषणात्मक वार्तांकन

ट्रेंडिंग

(कोणत्याही विषयावर 'क्लिक' करा)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.