उत्तरकाशी - कोरोनाच्या संकटामुळे चारधामा यात्रा दोन वर्षे बंद होती उत्तराखंडच्या जगप्रसिद्ध चारधाम यात्रेला आजपासून सुरुवात झाली आहे. आज गंगोत्री धामचे दरवाजे प्रथम वैदिक मंत्रोच्चारांनी उघडण्यात आले. अक्षय्य तृतीयेला गंगोत्री धामचे दरवाजे उघडून चारधाम यात्रा २०२२ ला ( Chardham Yatra start day 2022 ) सुरुवात झाली. तत्पूर्वी गंगोत्रीची जंगम विग्रह डोली गंगोत्री धामवर पोहोचली होती. मोठ्या संख्येने भाविकांनी गंगा मातेच्या जयघोषात डोलीचे स्वागत केले.
दुसरीकडे यमुनोत्री धामचे दरवाजेही आज भाविकांसाठी ( Chardham Yatra updates 2022 ) खुले करण्यात आले आहेत. यमुनोत्री धाममध्येही सर्व तयारी पूर्ण झाली होती. मंगळवारी सकाळी साडेआठ वाजता माता यमुनेची डोली खरसाळी येथून यमुनोत्री धामकडे रवाना ( char dham 2022 closing date ) झाली. डोलीच्या धामावर पोहोचल्यानंतर यमुनोत्री धामचे दरवाजे ६ महिन्यांसाठी वैदिक मंत्रोच्चाराने ( Chardham Yatra 2022 guidelines ) उघडण्यात आले.
सर्वप्रथम गंगोत्रीची फिरती देवता डोली गंगोत्री धामवर पोहोचली. सकाळी आर्मी बँडच्या तालावर पारंपरिक वाद्यांच्या गजरात शेकडो भाविकांच्या उपस्थितीत डोलीने गंगोत्री गाठली. याआधी सोमवारी भैरो खोऱ्यातील भैरव मंदिरात गंगा मातेची डोली रवाना झाली होती. रात्रीच्या विश्रांतीनंतर मंगळवारी सकाळी ७.३० वाजता आई गंगेची डोली गंगोत्री धामकडे रवाना झाली. गंगोत्री धाम उघडल्यानंतर सुमारे तासाभराने यमुनोत्री धामचे दरवाजेही उघडण्यात आले. दरवाजे उघडताना देश-विदेशातील भाविकांनी दर्शन घेतले. श्री पंच मंदिर समिती गंगोत्रीचे अध्यक्ष राहुल हरीश सेमवाल यांनी सांगितले की, देश-विदेशातील भाविकांच्या दर्शनासाठी सकाळी 11:15 वाजता विधीवत पूजा आणि वेदमंत्राने गंगोत्री धामचे दरवाजे उघडण्यात आले.
दुसरीकडे यमुनोत्री मंदिर समितीचे अध्यक्ष सुरेश उनियाल यांनी सांगितले की, यमुनोत्री धामचे दरवाजे 12.15 वाजता भाविकांसाठी उघडण्यात आले. खरसाळी येथून आई यमुनेचे बंधू शनिदेव महाराज यांच्या डोलीबरोबर यमुनेची डोली सकाळी खरसाळी येथून यमुनोत्री धाम येथे पोहोचल्याचे त्यांनी सांगितले. त्यानंतर विधिवत दरवाजे उघडण्याची प्रक्रिया पूर्ण झाली.
गंगोत्री धामबद्दल जाणून घ्या - गंगा नदी गंगोत्रीमधून उगम पावते. येथे गंगा देवीचे मंदिर आहे. हे मंदिर समुद्रसपाटीपासून 3042 मीटर उंचीवर आहे. हे ठिकाण उत्तरकाशी जिल्हा मुख्यालयापासून 100 किमी अंतरावर आहे. दरवर्षी मे ते ऑक्टोबर या कालावधीत गंगोत्री मंदिर उघडले जाते. या भागात राजा भगीरथने शिवाला प्रसन्न करण्यासाठी तपश्चर्या केली. येथे शिव प्रकट झाले. गंगेला केसात धरून त्यांनी तिचा वेग शांत केला. यानंतर गंगेचा पहिला प्रवाहही याच भागात पडला. त्यानंतर भगीरथने आपल्या पूर्वजांना पाहिल होते.
यमुनोत्री धामबद्दल जाणून घ्या- यमुनोत्री मंदिर समुद्रसपाटीपासून ३२३५ मीटर उंचीवर आहे. येथे यमुना देवीचे मंदिर आहे. यमुना नदीचे उगमस्थानही हेच आहे. टिहरी गढवालचा राजा प्रतापशाह याने यमुनोत्री मंदिर बांधले होते. यानंतर जयपूरच्या राणी गुलेरिया यांनी मंदिराचा जीर्णोद्धार केला.
चारधाममधील प्रवाशांची संख्या निश्चित : चारधाम यात्रेदरम्यान किती प्रवाशांची संख्या असावी, हे मंदिर समितीने निश्चित केली आहे. प्रवासाच्या पहिल्या 45 दिवसांसाठी मंदिर समितीने ठरविलेल्या प्रवाशांची संख्या आहे. दररोज 15,000 यात्रेकरू बद्रीनाथ धामला भेट देतील. त्याचबरोबर दररोज 12 हजार भाविक केदारनाथला भेट देतील. याशिवाय 1 दिवसात 7,000 प्रवासी गंगोत्रीला भेट देतील. तर एका दिवसात केवळ चार हजार भाविकांना यमुनोत्रीचे दर्शन घेता येणार आहे. यासंदर्भात शासनाकडून आदेश जारी करण्यात आला आहे.
3.15 लाखांहून अधिक नोंदणी: चारधाम यात्रेसाठी आतापर्यंत 3.15 लाखांहून अधिक यात्रेकरूंनी नोंदणी केली आहे. चारधाम आणि यात्रा मार्गावर येत्या दोन महिन्यांसाठी हॉटेल्समधील खोल्यांचे बुकिंग फुल झाले आहे. तसेच केदारनाथ हेली सेवेच्या तिकिटांचे आगाऊ बुकिंग 20 मे पर्यंत करण्यात आले आहे. भाविकांची गर्दी पाहता गढवाल मंडल विकास महामंडळामार्फत पर्यटन विभागाने केदारनाथमध्ये तंबू टाकून 1000 लोकांच्या राहण्याची अतिरिक्त व्यवस्था केली आहे. बद्रीनाथ, केदारनाथ, गंगोत्री आणि यमुनोत्री धाममधील गर्दीवर नियंत्रण ठेवण्यासाठी सरकारने दररोज प्रवाशांची संख्या निश्चित केली आहे.
