अफगाणिस्तानचे राष्ट्रपती अशरफ गनी देश सोडून पळाले

तालिबानने अफगाणिस्तान ताब्यात घेतले आहे. सत्ता हस्तांतरणाची प्रक्रिया सुरू आहे. काबूललाही घेरले आहे. त्यामुळे अफगाणिस्तानचे राष्ट्राध्यक्ष अशरफ गनी यांनी तालिबानपुढे गुडघे टेकले आहेत. त्यांनी राजीनामा देऊन देश सोडून पळ काढला आहे.

काबूल (अफगाणिस्तान)- तालिबानने अफगाणिस्तान ताब्यात घेतले आहे. सत्ता हस्तांतरणाची प्रक्रिया सुरू आहे. त्यामुळे अफगाणिस्तान सरकारने तालिबानसमोर गुडघे टेकले आहेत. अफगाणिस्तानचे राष्ट्राध्यक्ष अशरफ गनी यांनी अराजकता आणि बिघडलेल्या परिस्थितीमुळे रविवारी (१५ ऑगस्ट) राजीनामा दिला आहे. इतकेच नव्हे तर राष्ट्रपती अशरफ गनी हे देश सोडला पळून गेले आहेत. याबाबतची माहिती अधिकाऱ्यांनी दिली आहे. तर, ते ताजिकिस्तानला रवाना झाले असल्याची माहिती मिळत आहे. असे अधिकाऱ्यांनी सांगितले. दरम्यान, अफगाणिस्तानमधील देशवासी आणि तेथील परदेशी नागरिकही तेथून बाहेर पडू लागल्याचे चित्र आहे. कारण, देशातील रस्त्यांवर वाहनांची तूफान गर्दी दिसत आहे.

देव घनी यांना माफ करणार नाही - अब्दुल्ला अब्दुल्ला

पत्रकारांना माहिती देण्याचे अधिकार नसल्यामुळे नाव न छापण्याच्या अटीवर बोलताना दोन अधिकाऱ्यांनी असोसिएटेड प्रेसला सांगितले, की गनी देशातून बाहेर गेले आहेत. अफगाणिस्तान राष्ट्रीय सलोखा परिषदेचे प्रमुख अब्दुल्ला अब्दुल्ला यांनीही नंतर खात्री केली. नंतर ते म्हणाले, की “घनी यांनी कठीण काळात देशाला सोडून पळ काढला. देव त्यांना माफ करणार नाही. देवाला त्यांना उत्तर द्यावे लागेल”.

रविवारच्या टोलोच्या बातमीनुसार, राष्ट्रपती घनी यांनी त्यांच्या सहाय्यकांसह अफगाणिस्तान सोडले असल्याचे समजते आहे.

तालिबानने काही आठवड्यातच अफगाणिस्तानचा बराचसा भाग ताब्यात घेतला आहे. शिवाय रविवारी अफगाणिस्तानची राजधानी काबूललाही घेरले. एका गटाच्या प्रवक्त्याने सांगितले, की 'त्यांचा राजधानीवर हल्ला करण्याचा हेतू नाही. परंतु सरकारच्या बिनशर्त शरणागतीची मागणी केली आहे'.

तालिबानच्या हल्ल्यादरम्यान चर्चा सुरू आहे- गनी

याआधी अफगाणिस्तानचे अध्यक्ष अशरफ घनी यांनी शनिवारी (14 ऑगस्ट) सांगितले, की 'मी 20 वर्षांची "कामगिरी" वाया जाऊ देणार नाहीत. तालिबानच्या हल्ल्यादरम्यान "सल्लामसलत" सुरू आहे'. दरम्यान, त्यांनी शनिवारी दूरदर्शनद्वारे राष्ट्राला संबोधित केले. दरम्यान, तालिबानने अलीकडच्या दिवसात प्रमुख क्षेत्रांवर कब्जा केल्यानंतर प्रथमच ते सर्वांसमोर आल्याचे दिसले.

ते म्हणाले, की 'आम्ही सरकारचे अनुभवी नेते, समाजाच्या विविध स्तरांचे प्रतिनिधी आणि आमचे आंतरराष्ट्रीय भागीदार यांच्याशी सल्लामसलत सुरू केली आहे'. दरम्यान, त्यांनी अधिक माहिती दिली नाही. परंतु लवकरच आपल्याला निर्णयाची माहिती दिली जाईल, असेही त्यांनी सांगितले.

हेही वाचा - अफगाणिस्तानमध्ये तालिबानचे अंतरिम सरकार स्थापन, अली अहमद जलाली सत्तेत येण्याची शक्यता