തൃശൂര്‍: സ്വാതന്ത്ര്യത്തിന്റെ 75-ാം വാര്‍ഷികത്തോടനുബന്ധിച്ച് വടക്കുംനാഥ ക്ഷേത്രത്തിൻറെ തെക്കേഗോപുരം ത്രിവര്‍ണം അണിഞ്ഞു. ചരിത്ര പൈതൃക സ്‌മാരകങ്ങളിൽപ്പെട്ടതും യുനെസ്കോ പൈതൃക പട്ടികയിൽപെട്ടതുമാണ് വടക്കുംനാഥ ക്ഷേത്രത്തിന്റെ ഗോപുരങ്ങൾ. അതിൽ തന്നെ സവിശേഷമാണ് തെക്കേഗോപുരം.
വർഷത്തിൽ രണ്ട് തവണ മാത്രം തുറക്കുന്നത് വിശ്വാസത്തിലേക്കും ചരിത്രത്തിലേക്കുമാണ്. തൃശൂർ പൂരത്തിലെ പ്രസിദ്ധമായ തെക്കോട്ടിറക്കവും കുടമാറ്റവും ഈ ഗോപുരത്തിനു മുന്നിലാണ് നടക്കുക. സ്വാതന്ത്ര്യ ദിനാഘോഷത്തിന്റെ ഭാഗമായി ക്ഷേത്രോപദേശക സമിതിയുടെ നേതൃത്വത്തിലാണ് ഗോപുരവും ദേശീയതയുടെ അടയാളവുമായി മൂവർണത്തിലായത്.
പ്രത്യേക ലൈറ്റുകൾ സജ്ജമാക്കിയിട്ടാണ് ഗോപുരത്തെ ആകർഷകമാക്കിയിരിക്കുന്നത്. വടക്കും നാഥനു പുറമെ തൃശ്ശൂര്‍ പുത്തന്‍ പള്ളി ബെെബിള്‍ ടവറിലും , ലൂര്‍ദ് പള്ളിയുടെ മുകളിലും ത്രിവര്‍ണ ലെെറ്റുകള്‍ പിടിപ്പിച്ചിട്ടുണ്ട്.
