കോഴിക്കോട്: രാജ്യത്ത് നടക്കുന്ന അതിക്രമങ്ങൾക്കെതിരെ സെന്റ് ആഞ്ചലോസ് സ്കൂളിലെ വിദ്യാർഥികൾ. കോഴിക്കോട് കടപ്പുറത്ത് മണല് ശില്പം ഒരുക്കി. ജനമൈത്രി സുരക്ഷ പദ്ധതിയുടെ ഭാഗമായി ടൗൺ ജനമൈത്രി പൊലീസ് സംഘടിപ്പിച്ച പരിപാടിയിലാണ് 'എയ്ഞ്ചല് മാലാഖ' എന്ന പേരില് ശില്പം ഒരുക്കിയത്.
കോഴിക്കോട് സർക്കിൾ ഇൻസ്പെക്ടര് എ.ഉമേഷ് പരിപാടി ഫ്ലാഗ് ഓഫ് ചെയ്തു. സ്കൂളിലെ പ്രധാന അധ്യാപിക ഡിവിന, പിടിഎ പ്രസിഡന്റ് സനാദ്, എസ്ഐ രാധാകൃഷ്ണൻ എന്നിവർ നേതൃത്വം നല്കി. നൂറോളം കുട്ടികൾ ചേർന്നാണ് കടപ്പുറത്ത് ശില്പം തയ്യാറാക്കിയത്.