അഞ്ചലില്‍ സിപിഐയുടെ കൊടിമരം മുറിച്ചു, സംഘർഷാവസ്ഥ: പട്രോളിങുമായി പൊലീസ്

സംഘർഷം ഉണ്ടാകാതിരിയ്ക്കാൻ അഞ്ചൽ പൊലീസ് സംഭവ സ്ഥലത്ത് പട്രോളിങ് നടത്തിവരികയാണ്.

കൊല്ലം: സിപിഐയുടെ കൊടിമരം അറുത്ത് മാറ്റി കടത്തിയതായി പരാതി. കൊല്ലം ജില്ലയിലെ അഞ്ചൽ ഏറം പോങ്ങുമുകൾ ജംഗ്ഷനിലാണ് സിപിഐയുടെ കൊടിമരം കഴിഞ്ഞ രാത്ര അറുത്ത് മാറ്റി കടത്തിയത്.

പ്രദേശത്ത് അടുത്തിടെ സിഐടിയു - എഐടിയുസി തൊഴിലാളികൾ തമ്മിൽ തൊഴിൽ തർക്കം നടന്നിരുന്നു. തുടര്‍ന്ന് ഇരു കക്ഷി നേതാക്കളും ചർച്ച നടത്തി പ്രശ്നം പരിഹരിച്ചതിന് പിന്നാലെയാണ് അജ്ഞാതസംഘം കൊടിമരം കടത്തിയത്.

രാഷ്ടീയ സംഘർഷം ഉണ്ടാകാതിരിയ്ക്കാൻ അഞ്ചൽ പൊലീസ് സംഭവ സ്ഥലത്ത് പട്രോളിങ് നടത്തിവരുകയാണ്. സംഭവത്തിൽ പ്രതിഷേധ യോഗവും പ്രകടനവും നടത്തുമെന്ന് നേതാക്കൾ പറഞ്ഞു.