തലശേരിയില്‍ ബി‌ജെപി പ്രവര്‍ത്തകന് വെട്ടേറ്റു ; പിന്നില്‍ സിപിഎമ്മെന്ന് ആരോപണം

സാരമായി പരിക്കേറ്റ ധനരാജനെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്.

കണ്ണൂർ : തലശേരിയിൽ ബിജെപി പ്രവർത്തകന് വെട്ടേറ്റു. മേലൂരിലെ ധനരാജിനെയാണ് ഒരു സംഘം ആക്രമിച്ചത്. സുഹൃത്തിന്‍റെ വീട്ടിൽ പോയി മടങ്ങി വരുമ്പോഴായിരുന്നു ആക്രമണം.

വെട്ടേറ്റ ധനരാജിന്‍റെ കൈപ്പത്തി അറ്റുതൂങ്ങിയ നിലയിലാണ്. ആക്രമണത്തിന് പിന്നിൽ മേലൂരിലെ സിപിഎം പ്രവർത്തകാരാണെന്ന് ബിജെപി ആരോപിച്ചു. സാരമായി പരിക്കേറ്റ ധനരാജനെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്.