തിരുവനന്തപുരം : എറണാകുളം ടൗണിന് സമീപമുള്ള വെള്ളക്കെട്ട് ഒഴിഞ്ഞു. സിഗ്നൽ സംവിധാനം സാധാരണ ഗതിയിൽ പ്രവർത്തിക്കുന്നതിനാൽ നിര്‍ത്തിവച്ച ട്രെയിനുകളുടെ സര്‍വീസ് പുനരാരംഭിച്ചു.
സര്‍വീസ് പുനരാരംഭിച്ച ട്രെയിനുകളിവ : ആലപ്പുഴ വഴി സർവീസ് നടത്തുമെന്ന് അറിയിച്ചിരുന്ന, 17230 സെക്കന്തരാബാദ് - തിരുവനന്തപുരം ശബരി എക്സ്പ്രസ് ഇന്ന് കോട്ടയം വഴി തന്നെ സർവീസ് നടത്തുന്നു. കണ്ണൂരിലേക്ക് പോകുന്ന ആലപ്പുഴ - കണ്ണൂർ എക്സിക്യുട്ടീവ് ഇടപ്പള്ളിയിൽ നിന്നാണ് സർവീസ് ആരംഭിച്ചത്. കോട്ടയം വഴിയുള്ള എറണാകുളം - കൊല്ലം മെമു എക്സ്പ്രസ് തൃപ്പൂണിത്തുറയിൽ നിന്നാണ് സർവീസ് ആരംഭിച്ചത്.
ALSO READ:എറണാകുളത്ത് വെള്ളക്കെട്ട്; ട്രെയിനുകള്‍ക്ക് താത്‌കാലിക നിയന്ത്രണം
എറണാകുളം ജംഗ്ഷനും - തൃപ്പൂണിത്തുറയ്ക്കും ഇടയിൽ ഈ ട്രെയിൻ ഭാഗികമായി റദ്ദ് ചെയ്‌തിട്ടുണ്ട്. ആലപ്പുഴ വഴി ഇന്ന് ഡൈവേർട്ട് ചെയ്‌ത കണ്ണൂർ - തിരുവനന്തപുരം ജനശതാബ്‌ദി, സെക്കന്തരാബാദ് - തിരുവനന്തപുരം ശബരി ട്രെയിനുകൾക്ക് ചേർത്തല, ആലപ്പുഴ, അമ്പലപ്പുഴ സ്റ്റേഷനുകളിൽ സ്റ്റോപ്പ് ഉണ്ടായിരിക്കുമെന്നും റെയിൽവേ അറിയിച്ചു.
