ആലപ്പുഴ: ആലപ്പുഴ നിയോജകമണ്ഡലത്തിലെ എൽഡിഎഫ് സ്ഥാനാർഥി പിപി ചിത്തരഞ്ജൻ നാമനിർദേശ പത്രിക സമർപ്പിച്ചു. മന്ത്രി ഡോ. ടിഎം തോമസ് ഐസക്കിനും തെരഞ്ഞെടുപ്പ് മണ്ഡലം കമ്മറ്റി പ്രസിഡന്‍റ് എ ശിവരാജനുമൊപ്പമെത്തിയാണ് സബ് കലക്‌ടർ എസ്ഇ ഇലക്യ ഐഎഎസിന് മുൻപാകെ നാമനിർദേശപത്രിക സമർപ്പിച്ചത്.
അവലൂക്കുന്ന് വായനശാലയ്ക്ക് സമീപത്ത് നിന്ന് പ്രകടനമായാണ് ചിത്തരഞ്ജൻ പത്രിക സമർപ്പിക്കാൻ എത്തിയത്. മന്ത്രി ടിഎം തോമസ് ഐസക്, എൽഡിഎഫ് നേതാക്കളായ എ ശിവരാജൻ, ജി വേണുഗോപാൽ, കെഡി മഹീന്ദ്രൻ, അഡ്വ കെആർ ഭഗീരഥൻ, വിബി അശോകൻ, ആർ സുരേഷ് തുടങ്ങിയ നേതാക്കൾ പ്രകടനത്തില്‍ പങ്കെടുത്തു.
ആലപ്പുഴയിൽ എൽഡിഎഫ് സ്ഥാനാർഥി പിപി ചിത്തരഞ്ജൻ നാമനിര്‍ദേശ പത്രിക സമർപ്പിച്ചു
