ബെംഗളൂരു: ഏകദിന ലോകകപ്പിലെ (Cricket World Cup 2023) അവസാന ഗ്രൂപ്പ് മത്സരത്തില്‍ നെതര്‍ലന്‍ഡ്‌സിനെതിരെ (India vs Netherlands) അര്‍ധ സെഞ്ചുറിയുമായാണ് ഇന്ത്യന്‍ ക്യാപ്റ്റന്‍ രോഹിത് ശര്‍മ (Rohit Sharma) തിളങ്ങിയത്. ബെംഗളൂരുവിലെ ചിന്നസ്വാമി സ്റ്റേഡിയത്തില്‍ ടോസ് നേടി ആദ്യം ബാറ്റ് ചെയ്യാന്‍ ഇറങ്ങിയ ഇന്ത്യയ്‌ക്കായി 64 പന്തുകളില്‍ നിന്നും എട്ട് ബൗണ്ടറികളും രണ്ട് സിക്‌സും സഹിതം 61 റണ്‍സാണ് ഹിറ്റ്‌മാന്‍ അടിച്ച് കൂട്ടിയത്. ഇതടക്കം ഈ ലോകകപ്പില്‍ ഒമ്പത് മത്സരങ്ങളില്‍ നിന്നും ആകെ 503 റണ്‍സാണ് 36-കാരന്‍റെ സമ്പാദ്യം.
ഇതോടെ ഏകദിന ലോകകപ്പിന്‍റെ ചരിത്രത്തില്‍ ഇതേവരെ മറ്റാര്‍ക്കും സ്വന്തമാക്കാന്‍ കഴിയാതിരുന്ന ഒരു വമ്പന്‍ റെക്കോഡും ഹിറ്റ്മാനെ തേടിയെത്തി (Rohit Sharma ODI World Cup record). ഏകദിന ലോകകപ്പിന്‍റെ തുടര്‍ച്ചയായ രണ്ട് പതിപ്പുകളില്‍ 500 റണ്‍സിന് മുകളില്‍ സ്‌കോര്‍ ചെയ്യുന്ന ആദ്യ താരമെന്ന നേട്ടമാണ് രോഹിത്തിന് സ്വന്തമായത് (Rohit Sharma becomes first player to score more than 500 runs in two consecutive ODI World Cup editions).
ALSO READ: സിക്‌സറില്‍ വീണ്ടും ലോക റെക്കോഡിട്ട് ഹിറ്റ്‌മാന്‍ ; പിന്നിലായത് എബി ഡിവില്ലിയേഴ്‌സ്
2019-ല്‍ ഇംഗ്ലണ്ടില്‍ നടന്ന ഏകദിന ലോകകപ്പിന്‍റെ കഴിഞ്ഞ പതിപ്പില്‍ 648 റണ്‍സായിരുന്നു രോഹിത് നേടിയത്. തുടര്‍ച്ചയായി അല്ലെങ്കിലും ഏകദിന ലോകകപ്പിന്‍റെ രണ്ട് പതിപ്പുകളില്‍ 500ന് മുകളില്‍ റണ്‍സ് നേടിയ മറ്റൊരു താരം മാത്രമാണുള്ളത്. 1996, 2003 പതിപ്പുകളിലായി ഇന്ത്യയുടെ തന്നെ ഇതിഹാസ താരം സച്ചിന്‍ ടെണ്ടുല്‍ക്കറാണ് (Sachin Tendulkar) 500 റണ്‍സ് മാര്‍ക്ക് പിന്നിട്ടിത്.
അതേസമയം ഇതോടെ ഏകദിന ലോകകപ്പിന്‍റെ ഒരു പതിപ്പില്‍ ഏറ്റവും കൂടുതല്‍ റണ്‍സ് നേടുന്ന ഇന്ത്യന്‍ ക്യാപ്റ്റനെന്ന റെക്കോഡും രോഹിത് സ്വന്തം പേരില്‍ എഴുതി ചേര്‍ത്തിട്ടുണ്ട്. (Rohit Sharma most runs as An Indian captain in an ODI World Cup edition). സൗരവ് ഗാംഗുലിയുടെ റെക്കോഡാണ് ഹിറ്റ്‌മാന്‍ തകര്‍ത്തത്. (Rohit Sharma breaks Sourav Ganguly ODI World Cup Record).
2003-ലെ പതിപ്പില്‍ 465 റണ്‍സ് നേടിയായിരുന്നു ഗാംഗുലിയുടെ (Sourav Ganguly) റെക്കോഡ്. 2019-ലെ ലോകകപ്പില്‍ 443 റണ്‍സ് നേടിയ വിരാട് കോലി (Virat Kohli), 1992-ലെ പതിപ്പില്‍ 332 റണ്‍സ് നേടിയ മുഹമ്മദ് അസ്ഹറുദ്ദീൻ (Mohammad Azharuddin), 1983-ല്‍ 303 റണ്‍സ് നേടിയ കപില്‍ ദേവ് (Kapil Dev) എന്നിവരാണ് പിന്നിലുള്ളത്.
