കൊല്ലം: കൊല്ലം കടയ്ക്കലിൽ എട്ടാംക്ലാസുകാരിയെ അമ്മയുടെ സുഹൃത്ത് പീഡിപ്പിച്ചതായി പരാതി. പരാതിയില് കടയ്ക്കൽ ചരിപറമ്പ് കോവൂർ സ്വദേശി ആശിഖിനെ പൊലീസ് അറസ്റ്റ് ചെയ്തു. 2018 മുതൽ കുട്ടിയെ നിരന്തരം പീഡിപ്പിച്ചതായി പരാതിയില് പറയുന്നു. കുട്ടി റസിഡൻഷ്യൽ സ്കൂളിലാണ് പഠിക്കുന്നത്. അവധിക്ക് വീട്ടിലെത്തുമ്പോഴായിരുന്നു പീഡനം. അധ്യാപകരാണ് പീഡനവിവരം കണ്ടെത്തിയത്.
തുടർന്ന് ചൈൽഡ് ലൈനിൽ വിവരമറിയിച്ചു. ചൈൽഡ് ലൈൻ നൽകിയ പരാതിയുടെ അടിസ്ഥാനത്തിലാണ് കടയ്ക്കൽ പൊലീസ് കേസെടുത്ത് പ്രതിയെ അറസ്റ്റ് ചെയ്തത്. പെൺകുട്ടിയുടെ വീട്ടിലെ നിത്യസന്ദർശകനാണ് പ്രതി. അമ്മയുമായുള്ള സുഹൃത്ത് ബന്ധം മുതലെടുത്തയിരുന്നു പീഡനം. ഇയാളെ പോക്സോ ഉൾപ്പെടെയുള്ള വകുപ്പുകൾ ചുമത്തി അറസ്റ്റ് ചെയതു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്യ്തു.