ടിനു പാപ്പച്ചന്‍റെ 'ചാവേര്‍' വരുന്നു ; ഫസ്‌റ്റ് ലുക്ക് ഞായറാഴ്‌ച

ചാവേര്‍ പുതിയ അപ്‌ഡേറ്റ് പുറത്ത്. ചാവേര്‍ ഫസ്‌റ്റ് ലുക്കിന് ഇനി രണ്ട് ദിനങ്ങള്‍ കൂടി. നിവിന്‍ പോളിയാകും ഫസ്‌റ്റ് ലുക്ക് സോഷ്യല്‍ മീഡിയയിലൂടെ പുറത്തുവിടുക.

കുഞ്ചാക്കോ ബോബന്‍റേതായി Kunchacko Boban, അണിയറയില്‍ ഒരുങ്ങുന്ന ഏറ്റവും പുതിയ ചിത്രങ്ങളില്‍ ഒന്നാണ് 'ചാവേര്‍' Chaaver. പ്രഖ്യാപനം മുതല്‍ മാധ്യമ ശ്രദ്ധ നേടിയ സിനിമയുടെ ഓരോ പുതിയ വിശേഷങ്ങളും ആരാധകര്‍ വളരെ ആവേശപൂര്‍വമാണ് വരവേല്‍ക്കുന്നത്. ഇപ്പോഴിതാ 'ചാവേറി'ന്‍റെ പുതിയ വിശേഷമാണ് സോഷ്യല്‍ മീഡിയയില്‍ തരംഗമാവുന്നത്.

'ചാവേര്‍' ഫസ്‌റ്റ് ലുക്ക് ഉടന്‍ റിലീസ് ചെയ്യും. ജൂലൈ 2 ഞായറാഴ്‌ച വൈകിട്ട് അഞ്ച് മണിക്കാണ് 'ചാവേര്‍' ഫസ്‌റ്റ് ലുക്ക് പുറത്തുവരിക. നിവിന്‍ പോളിയുടെ ഫേസ്‌ബുക്ക് പേജിലൂടെയാണ് റിലീസ്.

ടിനു പാപ്പച്ചന്‍ Tinu Pappachan, ആണ് സിനിമയുടെ സംവിധാനം. ആക്ഷന്‍ എന്‍റര്‍ടെയ്‌നറായ 'അജഗജാന്തര'ത്തിന്‍റെ Ajagajantharam വിജയത്തിന് ശേഷം ടിനു പാപ്പച്ചന്‍ Tinu Pappachan ഒരുക്കുന്ന പുതിയ ചിത്രം കൂടിയാണിത്. കുഞ്ചാക്കോ ബോബന്‍ കേന്ദ്ര കഥാപാത്രമായെത്തുന്ന ചിത്രത്തില്‍ അര്‍ജുന്‍ അശോകന്‍ Arjun Ashokan, ആന്‍റണി വര്‍ഗീസ് Antony Varghese എന്നിവരും പ്രധാന വേഷങ്ങളില്‍ എത്തും.

• " class="align-text-top noRightClick twitterSection" data="">

ഇതുവരെ കണ്ടിട്ടില്ലാത്ത കുഞ്ചാക്കോ ബോബനെയാണ് സിനിമയിലൂടെ പ്രേക്ഷകര്‍ക്ക് കാണാനാവുകയെന്നാണ് അണിയറപ്രവര്‍ത്തകരുടെ അവകാശവാദം. ചിത്രത്തിലെ ഇതുവരെ പുറത്തിറങ്ങിയ കുഞ്ചാക്കോ ബോബന്‍റെ ലുക്കുകളെല്ലാം സോഷ്യല്‍ മീഡിയയില്‍ ശ്രദ്ധ നേടിയിരുന്നു.

കഴിഞ്ഞ ദിവസം 'ചാവേറി'ലെ കുഞ്ചാക്കോ ബോബന്‍റെ പുതിയൊരു ലുക്കും അണിയറപ്രവര്‍ത്തകര്‍ പങ്കുവച്ചിരുന്നു. മുടി പറ്റവെട്ടി കട്ടത്താടിയില്‍ പരുഷമായ നോട്ടത്തിലുള്ള താരത്തെയാണ് വീഡിയോയില്‍ കാണാനായത്. നേരത്തെ സിനിമയിലെ ഒരു ലുക്കൗട്ട് നോട്ടിസും Chaaver look out notice അണിയറപ്രവര്‍ത്തകര്‍ പങ്കുവച്ചിരുന്നു.

'ചാവേറി'ലെ കുഞ്ചാക്കോ ബോബന്‍റെ കഥാപാത്രത്തിന്‍റെ ലുക്കൗട്ട് നോട്ടിസായിരുന്നു അത്. സിനിമയില്‍ അശോകന്‍ എന്ന 47 വയസ്സുകാരനെയാണ് കുഞ്ചാക്കോ ബോബന്‍ അവതരിപ്പിക്കുന്നത്. ചിത്രത്തിലെ കുഞ്ചാക്കോയുടെ കഥാപാത്രത്തെ വ്യക്തമാക്കുന്നതാണ് ലുക്കൗട്ട് നോട്ടിസ്.

'ഈ ഫോട്ടോയില്‍ കാണുന്ന അശോകന്‍ (47) പൊലീസ് അന്വേഷണം നടക്കുന്ന ആക്രമണ കേസിലെയും മറ്റ് അനുബന്ധ ക്രിമിനല്‍ കേസുകളിലെയും പ്രതിയാണ്. നിലവില്‍ ഇയാള്‍ ഒളിവില്‍ പോയിരിക്കുകയാണ്. ഇരുനിറം, 5 അടി, 7 ഇഞ്ചോളം പൊക്കം എന്നിവയാണ് ശരീര അടയാളങ്ങള്‍. മലയാളം, തമിഴ് ഭാഷകള്‍ സംസാരിക്കും. കള്ളിമുണ്ടും ഷര്‍ട്ടുമാണ് അവസാനമായി ധരിച്ചിരുന്ന വേഷം. ടിയാനെ പറ്റി എന്തെങ്കിലും വിവരം ലഭിക്കുന്നവര്‍ ഉടന്‍ അറിയിക്കുക' -ഇങ്ങനെയായിരുന്നു ലുക്കൗട്ട് നോട്ടിസ്.

'ചാവേറി'ന്‍റെ റിലീസ് സംബന്ധിച്ചുള്ള വാര്‍ത്തകളും പ്രചരിക്കുകയാണ്. നേരത്തെ ജൂലൈ 20ന് 'ചാവേര്‍' തിയേറ്ററുകളില്‍ എത്തും എന്നായിരുന്നു റിപ്പോര്‍ട്ടുകള്‍. എന്നാല്‍ ചിത്രം ജൂലൈ 20ന് തിയേറ്ററുകളില്‍ എത്തില്ല എന്നാണ് പുതിയ വിവരം. ദിലീപിന്‍റെ കോമഡി ഡ്രാമയായ 'വോയ്‌സ് ഓഫ് സത്യനാഥന്‍' റിലീസിനെ Voice of Sathyanathan release തുടര്‍ന്നാണ് 'ചാവേര്‍' റിലീസ് Chaaver release മാറ്റിവച്ചതെന്നാണ് സൂചന. ജൂലൈ 14നാണ് 'വോയ്‌സ് ഓഫ് സത്യനാഥന്‍' തിയേറ്ററുകളില്‍ എത്തുന്നത്.

അതേസമയം 'പദ്‌മിനി'യാണ് കുഞ്ചാക്കോ ബോബന്‍റെ മറ്റൊരു പുതിയ ചിത്രം. സെന്ന ഹെഗ്‌ഡെ സംവിധാനം ചെയ്യുന്ന ചിത്രത്തില്‍ മഡോണ സെബാസ്‌റ്റ്യന്‍ ആണ് നായികയായെത്തുന്നത്. അപര്‍ണ ബാലമുരളി, വിന്‍സി അലോഷ്യസ് എന്നിവരും ചിത്രത്തിലെ നായികമാരാണ്.