പാറശാലയില്‍ യുവാവ് കുത്തേറ്റ് മരിച്ചു

മുരിയൻകര സ്വദേശി മണിയാണ് മരിച്ചത്. മണിയുടെ സഹോദരൻ വിനു, ബന്ധുക്കളായ ഷിബു, അജിത്ത് എന്നിവർക്കും കുത്തേറ്റു.

തിരുവനന്തപുരം: വാക്കുതര്‍ത്തിനിടെ പാറശാലയിൽ യുവാവ് കുത്തേറ്റ് മരിച്ചു. മുരിയൻകര സ്വദേശി മണിയാണ് മരിച്ചത്. മണിയുടെ സഹോദരൻ വിനു, ബന്ധുക്കളായ ഷിബു, അജിത്ത് എന്നിവർക്കും കുത്തേറ്റു . വിനുവിന് പ്രാഥമിക ചികിത്സ നൽകിയ ശേഷം തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. മറ്റുള്ളവർ പാറശാല താലൂക്ക് ആശുപത്രിയിൽ ചികിത്സയിലാണ് .

ആക്രമണം നടത്തിയ ഇലങ്കം സ്വദേശി സനു ഒളിവിൽ പോയി. ഇയാൾക്ക് വേണ്ടിയുള്ള തിരച്ചിൽ പാറശാല പൊലീസ് ആരംഭിച്ചു. അയൽവാസികളായ ഇവർ തമ്മിൽ വാക്കേറ്റം പതിവായിരുന്നു. നിരവധി ക്രിമിനൽ കേസിലെ പ്രതിയാണ് സനു എന്ന് പൊലീസ് പറഞ്ഞു.