കവരത്തി: ലക്ഷദ്വീപ് മണ്ണെണ്ണ മുക്ത കേന്ദ്രഭരണ പ്രദേശമാക്കാൻ മണ്ണെണ്ണ വിതരണം നിർത്താൻ നിർദേശം. കവരത്തിയിലെ ഗോഡൗൺ സൂക്ഷിപ്പുകാർക്കും സപ്ലൈ ആൻഡ് മാർക്കറ്റിങ് സൊസൈറ്റിക്കും ലക്ഷദ്വീപ് ഡെപ്യൂട്ടി കലക്‌ടർ കത്തയച്ചു. 2022 ജൂലൈ 1-നകം മണ്ണെണ്ണ മുക്ത പ്രദേശം എന്ന പദവി കൈവരിക്കാനാണ് പദ്ധതി.
അതിനാൽ 30.06.2022-നകം മണ്ണെണ്ണ വിതരണം നിർത്താനും, മണ്ണെണ്ണയെ ആശ്രയിക്കുന്ന ഗുണഭോക്താക്കൾ പട്ടിണിയിലല്ലെന്ന് ഉറപ്പ് വരുത്താനും കത്തിൽ പറയുന്നു. എല്ലാ വീടുകളിലും എൽപിജി കണക്ഷനുകളും എൽപിജി വിതരണവും ഉറപ്പാക്കാനും ഗ്യാസ് സിലിണ്ടറുകളുടെ വിതരണം ഉറപ്പാക്കാനും നിർദേശം നൽകി. ഇക്കാര്യത്തിൽ ആവശ്യമായ നടപടി സ്വീകരിക്കണമെന്നും ഭരണസമിതി ആവശ്യപ്പെട്ടു.
