ബോളിവുഡ് താരം കങ്കണ റണാവത്ത് (Kangana Ranaut) നായികയായി എത്തുന്ന ഏറ്റവും പുതിയ ചിത്രമാണ് 'ചന്ദ്രമുഖി 2' (Chandramukhi 2). 'ചന്ദ്രമുഖി 2'ലെ കങ്കണയുടെ ഫസ്റ്റ് ലുക്ക് പോസ്‌റ്റര്‍ നിര്‍മാതാക്കള്‍ പുറത്തുവിട്ടു. ലൈക്ക പ്രൊഡക്ഷൻസാണ് (Lyca Productions) കങ്കണയുടെ ഫസ്റ്റ് ലുക്ക് പോസ്‌റ്റര്‍ സോഷ്യല്‍ മീഡിയയിലൂടെ പുറത്തുവിട്ടത്.
കൊട്ടരത്തിനകത്ത് നില്‍ക്കുന്ന കങ്കണയെയാണ് ഫസ്റ്റ് ലുക്കില്‍ കാണാനാവുക. സ്വര്‍ണ കസവ് ഡിസൈനോടു കൂടിയ പച്ച നിറമുള്ള സാരിയില്‍ അതീവ സുന്ദരിയായാണ് കങ്കണ ഫസ്റ്റ് ലുക്കില്‍ പ്രത്യക്ഷപ്പെട്ടിരിക്കുന്നത്. സാരിക്ക് അനുയോജ്യമായ ആഭരണങ്ങളും കങ്കണ ധരിച്ചിട്ടുണ്ട്.
-
The beauty ✨ & the pose 😌 that effortlessly steals our attention! 🤩 Presenting the enviable, commanding & gorgeous 1st look of #KanganaRanaut as Chandramukhi 👑💃 from #Chandramukhi2 🗝️
— Lyca Productions (@LycaProductions) August 5, 2023 " class="align-text-top noRightClick twitterSection" data="
Releasing this GANESH CHATURTHI in Tamil, Hindi, Telugu, Malayalam & Kannada! 🤗
🎬… pic.twitter.com/KZPMPd5PkB
">The beauty ✨ & the pose 😌 that effortlessly steals our attention! 🤩 Presenting the enviable, commanding & gorgeous 1st look of #KanganaRanaut as Chandramukhi 👑💃 from #Chandramukhi2 🗝️
— Lyca Productions (@LycaProductions) August 5, 2023
Releasing this GANESH CHATURTHI in Tamil, Hindi, Telugu, Malayalam & Kannada! 🤗
🎬… pic.twitter.com/KZPMPd5PkBThe beauty ✨ & the pose 😌 that effortlessly steals our attention! 🤩 Presenting the enviable, commanding & gorgeous 1st look of #KanganaRanaut as Chandramukhi 👑💃 from #Chandramukhi2 🗝️
— Lyca Productions (@LycaProductions) August 5, 2023
Releasing this GANESH CHATURTHI in Tamil, Hindi, Telugu, Malayalam & Kannada! 🤗
🎬… pic.twitter.com/KZPMPd5PkB
'ചന്ദ്രമുഖി 2ലെ ചന്ദ്രമുഖിയായുള്ള കങ്കണ റണാവത്തിന്‍റെ ആദ്യ ലുക്ക് അവതരിപ്പിക്കുന്നു. ഗണേശ ചതുർഥി റിലീസായി തമിഴ്, തെലുഗു, ഹിന്ദി, മലയാളം, കന്നഡ എന്നീ ഭാഷകളിൽ ചിത്രം റിലീസ് ചെയ്യും' -ഇപ്രകാരമാണ് കങ്കണയുടെ ഫസ്റ്റ് ലുക്ക് പങ്കുവച്ച് ലൈക്ക പ്രൊഡക്ഷന്‍സ് ട്വിറ്ററില്‍ കുറിച്ചത്.
കഴിഞ്ഞ ദിവസം ലൈക്ക പ്രൊഡക്ഷൻസ് കങ്കണയുടെ വരവറിയിച്ച് കൊണ്ടുള്ള ഒരു അനൗന്സ്മെന്റ് വീഡിയോ ട്വിറ്ററില്‍ പങ്കുവച്ചിരുന്നു. 'ഫാഷൻ', 'തനു വെഡ്‌സ് മനു', 'ക്രിഷ് 3', 'ക്വീൻ', 'മണികർണിക', 'തലൈവി' തുടങ്ങി കങ്കണയുടെ കഥാപാത്രങ്ങളെ ഉള്‍ക്കൊള്ളിച്ച് കൊണ്ടുള്ളതായിരുന്നു വീഡിയോ. വീഡിയോക്കൊടുവില്‍ 'ചന്ദ്രമുഖി 2'ൽ നിന്നുള്ള കങ്കണയുടെ ലുക്കിന്‍റെ ഒരു നേർക്കാഴ്‌ചയും ഉണ്ട്. കങ്കണയും ഈ വീഡിയോ തന്‍റെ ഇൻസ്‌റ്റഗ്രാം സ്‌റ്റോറിയില്‍ പങ്കുവച്ചിരുന്നു.
'കാത്തിരിപ്പിന് അവസാനം! തന്‍റെ സൗന്ദര്യം, സ്വഭാവം, ബോള്‍ഡ്‌നെസ് എന്നിവയിലൂടെ നമ്മുടെ ഹൃദയങ്ങളില്‍ വാഴുന്ന ഈ രാജ്ഞി തിരിച്ചെത്തിയിരിക്കുന്നു!' -ഇപ്രകാരമായിരുന്നു ലൈക്ക പ്രൊഡക്ഷന്‍സ് പങ്കുവച്ച കങ്കണയുടെ ഫസ്റ്റ് ലുക്ക് അനൗന്സ്മെന്റ് പോസ്‌റ്റ്.
നേരത്തെ, ചിത്രത്തില്‍ നിന്നുള്ള രാഘവ ലോറൻസിന്‍റെ (Raghava Lawrence) ഫസ്റ്റ് ലുക്ക് പോസ്‌റ്ററും നിര്‍മാതാക്കള്‍ പങ്കുവച്ചിരുന്നു. വേട്ടയ്യൻ രാജ (King Vettaiyan) എന്ന കഥാപാത്രത്തെയാണ് സിനിമയില്‍ രാഘവ ലോറന്‍സ് അവതരിപ്പിക്കുന്നത്. ഗോവണിപ്പടിയില്‍ നിന്നും ഇറങ്ങി വരുന്ന രാഘവ ലോറന്‍സിന്‍റെ കഥാപാത്രത്തെയാണ് ഫസ്‌റ്റ്‌ലുക്കില്‍ കാണാനാവുക. പച്ചയും മെറൂണും കലര്‍ന്ന രാജകീയ വേഷത്തില്‍, ദേഹമാസകലം ആഭരണങ്ങള്‍ അണിഞ്ഞ രാഘവ ലോറൻസിന്‍റെ ഫസ്റ്റ് ലുക്ക് പോസ്‌റ്റര്‍ സോഷ്യല്‍ മീഡിയയില്‍ ശ്രദ്ധ നേടിയിരുന്നു.
അതേസമയം 18 വർഷങ്ങള്‍ക്ക് മുമ്പ് ബോക്‌സോഫിസ് ഹിറ്റായ ഹൊറര്‍ കോമഡി ചിത്രം 'ചന്ദ്രമുഖി'യുടെ തുടർച്ചയാണ് 'ചന്ദ്രമുഖി 2'. 2005 ഏപ്രില്‍ 14ന് റിലീസായ ചിത്രത്തില്‍ രജനീകാന്ത്, ജ്യോതിക, നയൻതാര, പ്രഭു എന്നിവരാണ് കേന്ദ്ര കഥാപാത്രങ്ങളില്‍ എത്തിയത്. 'ചന്ദ്രമുഖി 2'ൽ സൗന്ദര്യത്തിനും നൃത്ത വൈദഗ്ധ്യത്തിനും പേരുകേട്ട രാജകൊട്ടാരത്തിലെ നർത്തകിയുടെ വേഷമാണ് കങ്കണയ്‌ക്ക്.
രാഘവ ലോറന്‍സ്, കങ്കണ എന്നിവരെ കൂടാതെ വടിവേലു, രാധിക ശരത് കുമാർ, ലക്ഷ്‌മി മേനോൻ, മഹിമ നമ്പ്യാർ, രവിമരിയ, വിഘ്നേഷ്, റാവു രമേഷ്, സൃഷ്‌ടി ഡാങ്കെ, സുഭിക്ഷ, സുരേഷ് മേനോൻ, ടിഎം കാർത്തിക്, വൈ ജി മഹേന്ദ്രൻ, ശത്രു, സായ് അയ്യപ്പൻ എന്നിവരും ചിത്രത്തില്‍ മറ്റ് സുപ്രധാന കഥാപാത്രങ്ങളെ അവതരിപ്പിക്കുന്നു.
ഓസ്‌കർ ജേതാവ് എംഎം കീരവാണിയാണ് സിനിമയിലെ ഗാനങ്ങള്‍ക്ക് സംഗീതം ഒരുക്കിയിരിക്കുന്നത്. മദൻ കാർക്കി, യുഗ ഭാരതി, വിവേക്, ചൈതന്യ പ്രസാദ് എന്നിവരാണ് ഗാന രചന നിര്‍വഹിച്ചിരിക്കുന്നത്. ആർ ഡി രാജശേഖർ ഛായാഗ്രഹണവും ആന്‍റണി ചിത്രസംയോജനവും നിര്‍വഹിച്ചു.
ദേശീയ പുരസ്‌കാര ജേതാവ് തോട്ട തരണിയാണ് പ്രൊഡക്ഷൻ ഡിസൈനര്‍. ആക്ഷൻ - കമൽ കണ്ണൻ, രവിവർമ, സ്‌റ്റണ്ട് ശിവ, ഓം പ്രകാശ്, മേക്കപ്പ് - ശബരി ഗിരി, വസ്ത്രാലങ്കാരം - പെരുമാൾ സെൽവം, നീത ലുല്ല, ദോരതി, സ്‌റ്റിൽസ് - ജയരാമൻ, ഇഫക്‌ട്‌സ്‌ - സേതു, ഓഡിയോഗ്രഫി - ഉദയ് കുമാർ, നാക് സ്‌റ്റുഡിയോസ്, പിആർഒ - ശബരി.
വിനായക ചതുര്‍ഥി ദിനത്തില്‍ സെപ്‌റ്റംബര്‍ 19നാണ് ചിത്രം തിയേറ്ററുകളില്‍ എത്തുന്നത്. ബിഗ് ബജറ്റിലായി പി വാസുവാണ് സിനിമയുടെ സംവിധാനം. ലൈക്ക പ്രൊഡക്ഷൻസിന്‍റെ ബാനറിൽ സുഭാസ്‌കരനാണ് സിനിമയുടെ നിര്‍മാണം.
