ന്യൂഡൽഹി : രാജ്യത്ത് 24 മണിക്കൂറിനിടെ 17,073 പുതിയ കൊവിഡ് കേസുകൾ കൂടി റിപ്പോർട്ട് ചെയ്‌തു. ഇതോടെ രാജ്യത്തെ സജീവ കൊവിഡ് കേസുകളുടെ എണ്ണം 94,420 ആയി ഉയർന്നു. ആരോഗ്യമന്ത്രാലയത്തിന്‍റെ കണക്കനുസരിച്ച് ഇന്ത്യയിലെ മൊത്തം കൊവിഡ്-19 കേസുകളുടെ എണ്ണം 4,34,07,046 ആയി.
അതേസമയം കൊവിഡ് മുക്തി നിരക്ക് 98.57 ശതമാനമായി രേഖപ്പെടുത്തി. 21 പുതിയ മരണങ്ങൾ കൂടി റിപ്പോർട്ട് ചെയ്യപ്പെട്ടതോടെ ആകെ മരണസംഖ്യ 5,25,020 ആയി ഉയർന്നു. പ്രതിദിന പോസിറ്റിവിറ്റി നിരക്ക് 5.62 ശതമാനവും പ്രതിവാര പോസിറ്റിവിറ്റി നിരക്ക് 3.39 ശതമാനവും രേഖപ്പെടുത്തി.
രോഗത്തിൽ നിന്ന് സുഖം പ്രാപിച്ചവരുടെ എണ്ണം 4,27,87,606 ആയി ഉയർന്നപ്പോൾ മരണനിരക്ക് 1.21 ശതമാനമാണ്. രാജ്യവ്യാപകമായി കൊവിഡ്-19 വാക്‌സിനേഷൻ ഡ്രൈവിന് കീഴിൽ രാജ്യത്ത് ഇതുവരെ 197.11 കോടി വാക്‌സിൻ ഡോസുകൾ നൽകിയിട്ടുണ്ട്.
ഇന്നലത്തെ (26.06.2022) കണക്കുകൾ പ്രകാരം രാജ്യത്ത് 11,739 പുതിയ കൊവിഡ് കേസുകൾ റിപ്പോർട്ട് ചെയ്‌തിരുന്നു. 24 മണിക്കൂറിനുള്ളിൽ 1,844 സജീവ കൊവിഡ്-19 കേസുകളുടെ വർധനവ് രേഖപ്പെടുത്തി.
