ಹೈದರಾಬಾದ್: ನಟ ಅಲ್ಲು ಅರ್ಜುನ್ ಅಭಿನಯದ 'ಪುಷ್ಪ: ದಿ ರೂಲ್' ಚಿತ್ರಕ್ಕೆ ಈಗಾಗಲೇ ಅಭಿಮಾನಿಗಳು ಕಾದು ಕುಳಿತಿದ್ದಾರೆ. 2021ರಲ್ಲಿ ಬಿಡುಗಡೆಯಾದ 'ಪುಷ್ಪ: ರೈಸ್' ಗಿಂತ ಹೆಚ್ಚಿನ ಯಶಸ್ಸನ್ನು ಅದರ ಮುಂದಿನ ಸೀಕ್ವೆಲ್ ಕಾಣಲಿದೆ ಎಂಬ ಲೆಕ್ಕಾಚಾರ ನಡೆಸಲಾಗಿದೆ. ಇನ್ನು ಈ ‘ಪುಷ್ಪ 2: ದಿ ರೂಲ್‘ ಇದೆ ಆಗಸ್ಟ್ನಲ್ಲಿ ಅಂತಿಮ ಹಂತದ ಶೂಟಿಂಗ್ ಅನ್ನು ಮುಗಿಸಲಿದ್ದು, ನಂತರ ಪೊಸ್ಟ್ ಪ್ರೊಡಕ್ಷನ್ ಕೆಲಸ ನಡೆಯಲಿದ್ದು, ಆಗಸ್ಟ್ನಲ್ಲಿ ಚಿತ್ರ ತೆರೆ ಕಾಣಲಿದೆ. ಸುಮಕರ್ ನಿರ್ದೇಶನಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರಕ್ಕೆ ಕುಬ ಬ್ರೋಜೆಕ್ ಸಿನಿಮಾಟೋಗ್ರಫಿ ಇದೆ. ಮೊದಲ ಭಾಗದಲ್ಲಿರುವ ಪಾತ್ರ ವರ್ಗ ಎರಡನೇ ಭಾಗದಲ್ಲೂ ಮುಂದುವರೆಯಲಿದೆ.
'ಪುಷ್ಪ 2: ದಿ ರೂಲ್' ಚಿತ್ರದ ಕೆಲವು ದೃಶ್ಯವನ್ನು ಛಾಯಗ್ರಾಹಕರಾಗಿರುವ ಕುಬಾ ಬ್ರೋಜೆಕ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಚಿತ್ರ ಇದೀಗ ಪ್ರೇಕ್ಷಕರ ಕಾತರತೆಯನ್ನು ಮತ್ತಷ್ಟು ಹೆಚ್ಚುವಂತೆ ಮಾಡಿದೆ. ಅಭಿಮಾನಿಗಳು ಚಿತ್ರದ ಯಾವ ದೃಶ್ಯಗಳು ಇದೀಗ ಶೂಟ್ ಆಗುತ್ತಿದೆ ಎಂಬ ಪ್ರಶ್ನೆಗೆ ಅವರು ಈ ವಿಡಿಯೋ ಮೂಲಕ ಉತ್ತರಿಸಿದ್ದಾರೆ. ಇದರಲ್ಲಿ ನೀರಿನಾಳದಲ್ಲಿನ ದೃಶ್ಯಗಳ ಶೂಟಿಂಗ್ ನಡೆಯುತ್ತಿರುವುದನ್ನು ಕಾಣಬಹುದು. ಇದರ ಜೊತೆಗೆ ಪ್ರೇಕ್ಷಕರ ಕಾತರಕ್ಕೆ ಮತ್ತಷ್ಟು ಉತ್ಸಾಹ ಹೆಚ್ಚಿಸಲು ಅವರು ಪುಷ್ಪ 2 ಸೆಟ್ ಫೋಟೋ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="">
ಅಲ್ಲು ಅರ್ಜುನ್ ಹುಟ್ಟು ಹಬ್ಬದ ಹಿನ್ನೆಲೆ ಏಪ್ರಿಲ್ 8ರಂದು 'ಪುಷ್ಪ 2' ಚಿತ್ರ ತಂಡ ಟೀಸರ್ ಮೂಲಕ ತಮ್ಮ ಚಿತ್ರದ ನಟನಿಗೆ ವಿಶೇಷವಾಗಿ ಶುಭಾಶಯ ತಿಳಿಸಿದ್ದರು. ಈ ಪ್ರೊಮೋಷನ್ ವಿಡಿಯೋದಲ್ಲಿ ಚಿತ್ರದಲ್ಲಿ ನಡೆಯುವ ಜಾತ್ರೆ ಸಮಾರಂಭದ ದೃಶ್ಯದ ಕುರಿತು ತಿಳಿಸಲಾಗಿತ್ತು. ಈ ದೃಶ್ಯವೂ ತೆಲಂಗಾಣದಲ್ಲಿ ಹಿಂದೂ ಬುಡಕಟ್ಟು ಜನರು ಆಚರಿಸುವ ಹಬ್ಬದ ಗೌರವದ ಆಚರಣೆಯಲ್ಲಿ ನಟ ಅಲ್ಲು ಅರ್ಜುನ್ ದೇವತೆ ವೇಷ ತೊಟ್ಟಿರುವುದನ್ನು ಕಾಣಬಹುದಾಗಿದೆ. ದೇವತೆ ವೇಷದಲ್ಲೇ ಹೊಡೆದಾಡುವ ಈ ದೃಶ್ಯ ಅಭಿಮಾನಿಗಳಿಗೆ ಹಬ್ಬದೂಟ ನೀಡಿದ್ದು ಸುಳ್ಳಲ್ಲ.
ಈ ಟೀಸರ್ ಬೆನ್ನಲ್ಲೇ ಚಿತ್ರ ತಂಡ ಚಿತ್ರದ ಮೊದಲ ಸಾಂಗ್ ಪ್ರೊಮೋ ಅನ್ನು ಬಿಡುಗಡೆ ಮಾಡುತ್ತಿದೆ. ಪುಷ್ಪಾ, ಪುಷ್ಪಾ ಎಂಬ ಹಾಡಿನ ಧ್ವನಿ ಇದರಲ್ಲಿ ಕೇಳಬಹುದಾಗಿದೆ. ದೇವಿ ಶ್ರೀ ಪ್ರಸಾದ್ ಅವರ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದ ಹಾಡು ಇದಾಗಿತ್ತು.
- " class="align-text-top noRightClick twitterSection" data="">
ಅಲ್ಲು ಅರ್ಜುನ್ ಹೊರತಾಗಿ ನಟಿ ರಶ್ಮಿಕಾ ಮಂದಣ್ಣ ಮತ್ತು ಫಹದ್ ಫಾಸಿಲ್ ಚಿತ್ರಕ್ಕೆ ಮತ್ತಷ್ಟು ಮೆರಗು ಮೂಡಿಸಿದ್ದಾರೆ. ಜೊತೆಗೆ ಅನುಸೂಯ, ಸುನೀಲ್ ಮತ್ತು ಜಗದೀಶ್ ಮುಂದಾದವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮೈತ್ರಿ ಮೂವಿ ಮೇಕರ್ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ಬಿಗ್ ಬಜೆಟ್ ಸಿನಿಮಾ ಇದಾಗಿದೆ. ಈ ಚಿತ್ರ ಇದೇ ವರ್ಷ 2024ರ ಆಗಸ್ಟ್ 15ರಂದು ತೆರೆಗೆ ಬರಲು ಸಿದ್ಧತೆ ನಡೆಸಿದೆ.
ಇದನ್ನೂ ಓದಿ: ಪುಷ್ಪಾ 2: ಫಹಾದ್ ಫಾಸಿಲ್ ಪ್ರಮುಖ ಭಾಗಗಳ ಚಿತ್ರೀಕರಣ ಮುಕ್ತಾಯ.. ಬಿಟಿಎಸ್ ಫೋಟೋ ಹಂಚಿಕೊಂಡ ಚಿತ್ರತಂಡ
