ಡೇಟಿಂಗ್​ ವದಂತಿ: ಅನನ್ಯಾ ಬಗ್ಗೆ ಕೇಳಿದಾಗ ಮುಗುಳುನಗೆ ಬೀರಿದ ಆದಿತ್ಯ ರಾಯ್​

ಹೈದರಾಬಾದ್​ : ರಿಲಯನ್ಸ್​ ಫೌಂಡೇಶನ್​​ನ ಅಧ್ಯಕ್ಷೆ ನೀತಾ ಅಂಬಾನಿ ಅವರ, ನೀತಾ ಮುಕೇಶ್​ ಅಂಬಾನಿ ಕಲ್ಚರಲ್​​ ಸೆಂಟರ್​​ನ​​ (ಎನ್​​ಎಮ್ಎ​ಸಿಸಿ) ಉದ್ಘಾಟನಾ ಸಮಾರಂಭ ಮುಂಬೈನಲ್ಲಿ ಬಹಳ ಅದ್ಧೂರಿಯಾಗಿ ನಡೆದಿದೆ. ಈ ಕಾರ್ಯಕ್ರಮಕ್ಕೆ ದೇಶ ವಿದೇಶಗಳಿಂದ ಗಣ್ಯರು, ಚಿತ್ರ ನಟರು ಆಗಮಿಸಿದ್ದರು. ಈ ವೇಳೆ, ಪಾಪಾರಾಜಿಗಳು ತಮ್ಮ ಪ್ರಶ್ನೆಗಳ ಮೂಲಕ  ನಟ ನಟಿಯರ ಕಾಳೆಲೆದ ದೃಶ್ಯಗಳು ಕಂಡುಬಂತು.

ಮುಂಬೈನಲ್ಲಿ ಕಲ್ಚರಲ್​ ಸೆಂಟರ್​ನ ಉದ್ಘಾಟನಾ ಕಾರ್ಯಕ್ರಮವನ್ನು ಅದ್ಧೂರಿಯಾಗಿ ಹಮ್ಮಿಕೊಳ್ಳಲಾಗಿತ್ತು. ಜೊತೆಗೆ ವಿವಿಧ ಸಾಂಸ್ಕೃತಿಕ ಮತ್ತು ಮನೋರಂಜನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮಕ್ಕೆ ಆಗಮಿಸಿದ ನಟ ನಟಿಯರು ಕಣ್ಣು ಕುಕ್ಕುವಂತೆ ಉಡುಪುಗಳನ್ನು ಧರಿಸಿ ಬಂದಿದ್ದರು. ಈ ವೇಳೆ, ಪಾಪಾರಾಜಿಗಳು ಕೆಲ ನಟ ನಟಿಯರ ಕಾಲೆಳೆದರು.

ಈ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ಬಾಲಿವುಡ್​ ನಟ ಆದಿತ್ಯ ರಾಯ್ ಕಪೂರ್​​ ಫೋಟೋಗಳಿಗೆ ಪೋಸ್​ ನೀಡುತ್ತಿದ್ದರು.  ಈ ವೇಳೆ, ಪಾಪರಾಜಿಯೊಬ್ಬರು  ಅನನ್ಯ ಮೇಡಮ್​ ಬಂದಿಲ್ವಾ ಎಂದು ಕೇಳಿದ್ದಾರೆ. ಈ ವೇಳೆ ಮುಗುಳ್ನಗೆ ಬೀರಿದ ಆದಿತ್ಯ  ರಾಯ್​​ ಏನೂ ಪ್ರತಿಕ್ರಿಯಿಸದೇ ಅಲ್ಲಿಂದ ತೆರಳಿದ್ದಾರೆ. ಇನ್ನು ಈ ಕಾರ್ಯಕ್ರಮದಲ್ಲಿ ಅನನ್ಯಾ ಪಾಂಡೆ ಕೂಡ ಪಾಲ್ಗೊಂಡಿದ್ದರು. ಅನನ್ಯಾ ಅವರು ರಾಹುಲ್​ ಮಿಶ್ರಾ ಅವರು ವಿನ್ಯಾಸಗೊಳಿಸಿದ ಸುಂದರವಾದ  ಬೊಟಾನಿಕಲ್​ ಗೌನ್​ ಧರಿಸಿ ಮಿಂಚುತ್ತಿದ್ದರು.

ಕಳೆದ ವರ್ಷ ಮೇ ತಿಂಗಳಿನಲ್ಲಿ ನಡೆದ  ಚಿತ್ರ ನಿರ್ಮಾಪಕ  ಕರಣ್​​ ಜೋಹರ್​ 50 ನೇ ಹುಟ್ಟುಹಬ್ಬ ಸಮಾರಂಭದಲ್ಲಿ ಭಾಗವಹಿಸಿದ ಬಳಿಕ  ಇಬ್ಬರು ಡೇಟಿಂಗ್​ ನಡೆಸುತ್ತಿರುವುದಾಗಿ ವದಂತಿ ಹಬ್ಬಿತ್ತು. ಅಷ್ಟೇ ಅಲ್ಲದೆ ಇತ್ತೀಚೆಗೆ ನಡೆದ ಲಕ್ಮೇ ಫ್ಯಾಶನ್​ ವೀಕ್​ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಡೇಟಿಂಗ್​ ನಡೆಸುತ್ತಿರುವ ಬಗ್ಗೆ ಸುಳಿವು ನೀಡಿದ್ದರು. ಇನ್ನು ಈ ಬಗ್ಗೆ ಈ ಜೋಡಿ ಹಕ್ಕಿಗಳು ಇನ್ನೂ ಅಧಿಕೃತವಾಗಿ ಯಾವುದೇ ವಿಷಯವನ್ನು ಬಹಿರಂಗಪಡಿಸಿಲ್ಲ.

ಇದನ್ನೂ ಓದಿ : 'ಮರೆಯಲಾಗದ ಭಾರತದ ಮೊದಲ ಪ್ರವಾಸ'.. ಅಂಬಾನಿ ಕುಟುಂಬಕ್ಕೆ ಥ್ಯಾಂಕ್ಸ್​ ಎಂದ ಸೂಪರ್​ ಮಾಡೆಲ್​ ಜಿಜಿ ಹಡಿದ್​