ನಟ ಶಿವ ರಾಜ್​ಕುಮಾರ್ ಕೆನ್ನೆಗೆ ಮುತ್ತಿಟ್ಟ ಅಭಿಮಾನಿ

ರಾಯಚೂರು: ನಗರದಲ್ಲಿ ವೇದ ಚಿತ್ರದ ಟೀಸರ್​ ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗವಹಿಸಲು ನಟ ಶಿವ ರಾಜ್​ಕುಮಾರ್ ದಂಪತಿ ಹಾಗೂ ಚಿತ್ರ ತಂಡದವರು ಆಗಮಿಸಿದ್ದಾರೆ. ಶಿವ ರಾಜ್​ಕುಮಾರ್ ದಂಪತಿ ಇಂದು ಮಂತ್ರಾಲಯದ ಶ್ರೀ ರಾಘವೇಂದ್ರ ಸ್ವಾಮಿಗಳ ಮಠಕ್ಕೆ ಭೇಟಿ ನೀಡಿದರು. ಆ ವೇಳೆ ಶಿವ ರಾಜ್​ಕುಮಾರ್ ನೋಡಲು ಸಾಕಷ್ಟು ಅಭಿಮಾನಿಗಳು ಸೇರಿದ್ದರು. ಆಗ ಮಹಿಳೆಯೋರ್ವರು ಶಿವ ರಾಜ್​ಕುಮಾರ್​​ ಅವರೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಮುಂದಾದರು. ಮೊಬೈಲ್‌ನಲ್ಲಿ ಫೋಟೋ ತೆಗೆದುಕೊಂಡ ಬಳಿಕ ಮಹಿಳೆ ಶಿವ ರಾಜ್​​ಕುಮಾರ್​ ಅವರ ಕೆನ್ನೆಗೆ ಮುತ್ತಿಟ್ಟಿದ್ದಾರೆ. ಈ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ.