ತುಮಕೂರು: ಕೇಂದ್ರ ಸರ್ಕಾರದ ಕೃಷಿ ಸಮ್ಮಾನ್ ಯೋಜನೆಯಡಿ ಹಣ ಪಡೆಯಲು ರೈತ ಫಲಾನುಭವಿಗಳು ಬೆಳಗ್ಗೆಯಿಂದಲೂ ಡಿಸಿಸಿ ಬ್ಯಾಂಕ್ ಮುಂದೆ ಸಾಲುಗಟ್ಟಿ ನಿಲ್ಲಲು ಸಾಧ್ಯವಾಗದೇ ಚಪ್ಪಲಿಗಳನ್ನು ಇರಿಸಿ ಬೇರೆಡೆ ಕುಳಿತು ಕಾಯುತ್ತಿರುವ ಘಟನೆ ತುರುವೇಕೆರೆ ತಾಲೂಕಿನಲ್ಲಿ ಸಾಮಾನ್ಯವಾಗಿದೆ.
ಕ್ಯೂನಲ್ಲಿ ನಿಲ್ಲಲು ಸಾಧ್ಯವಾಗದೇ ಚಪ್ಪಲಿ ಇರಿಸಿದ ರೈತರು..
ಬೆಳಿಗ್ಗೆ 6 ಗಂಟೆಗೆ ಬ್ಯಾಂಕುಗಳಿಗೆ ಬರುವ ರೈತರು ಸುಮಾರು 8 ಗಂಟೆ ವೇಳೆಗೆ ಬಿಸಿಲೇರುತ್ತಿದ್ದಂತೆ ಸರತಿ ಸಾಲಲ್ಲಿ ನಿಲ್ಲಲು ಸಾಧ್ಯವಾಗದೇ ಬ್ಯಾಗ್, ಚಪ್ಪಲಿಗಳನ್ನು ತಮ್ಮ ಸ್ಥಳದಲ್ಲಿರಿಸುತ್ತಾರೆ. ಬ್ಯಾಂಕ್‌ನಲ್ಲಿ ಎರಡು ಕೌಂಟರ್ಗಳನ್ನು ತೆರೆದರೂ ಸಾಕಷ್ಟು ಸಂಖ್ಯೆಯ ರೈತರು ಇರುವುದರಿಂದ ಬೇಗ ಹಣ ವಿತರಣೆ ಮಾಡಲು ಸಾಧ್ಯವಾಗುತ್ತಿಲ್ಲ.
ಕೊರೊನಾ ಸೋಂಕು ಪ್ರಸರಣ ಭೀತಿ ನಡುವೆಯೂ ರೈತರು 2 ಸಾವಿರ ರೂ. ಹಣ ಪಡೆಯಲು ಮುಂಜಾನೆಯೇ ಬ್ಯಾಂಕ್ ಮುಂದೆ ಜಮಾಯಿಸುತ್ತಿದ್ದಾರೆ.
ಈ ಸುದ್ದಿಯನ್ನೂ ಓದಿ: ಆಟೋ, ಕ್ಯಾಬ್ ಚಾಲಕರಿಗೆ ಸರ್ಕಾರ ಘೋಷಿಸಿದ ಪರಿಹಾರ ಹಣ ಪಡೆಯಲು ಅರ್ಜಿ ಸಲ್ಲಿಸುವಂತೆ ಸೂಚನೆ
